“Far Cry 5: Inside Eden’s Gate” (2018) කියන්නේ Far Cry 5 ගේම් එකට කෙළින්ම සම්බන්ධ, ඒකට කලින් වෙන කතාවක් (prequel) පෙන්නන පොඩි ෆිල්ම් එකක්.
මේක අධ්‍යක්ෂණය කරලා තියෙන්නේ Barry Battles. ඔය ගේම් එකේ ඉන්න භයානක නායකයා, ‘ද ෆාදර්’ (Joseph Seed), එයාගෙ චරිතෙට පණ පොවන්නේ Greg Bryk.

කතාව පටන් ගන්නෙ මෙහෙමයි: යූටියුබ් ව්ලොග් කරන කට්ටියක්—ඇලෙක්ස්, හැනා සහ මාර්ක්—අමුතු ආරංචියක් පස්සෙ පන්නනවා. ඒ තමා මොන්ටානාවල ‘හෝප් කවුන්ටි’ කියන කැලෑබද පළාතක ‘Eden’s Gate’ කියලා අමුතු, අන්තවාදී ආගමික කල්ලියක් තියෙනවා කියන එක.

මෙයාලා හිතන්නෙ කැමරාවත් අරගෙන ගිහින්, නිකන්ම නිකන් ව්ලොග් එකක් කරලා එන්න. ඒත්, එයාලා එහෙට ගියාම තමා වැඩේ තේරෙන්නෙ.

එයාලට මේ කල්ලියේ නායකයා, ‘ෆාදර්’ ජෝසප් සීඩ්ව හම්බවෙනවා. එයා හරි සන්සුන්ව කතා කළාට, එයාගෙ ඇස් දෙකේම තියෙන්නෙ අමුතු බයක්.

මේ තුන්දෙනා එයාලා හිතනවට වඩා භයානක, අඳුරු තැනක හිරවෙනවා. එයාලා දකින්නේ එළියට පේන දේ නෙවෙයි, ඇතුළේ වෙනම ලෝකයක්.

මේ තුන්දෙනා එයාලගෙ ජීවිත බේරගෙන එළියට එයිද? එහෙම නැත්නම් එයාලත් මේ කල්ට් එකේ ගොදුරු වෙයිද?

ෆිල්ම් එක ඉවර වෙන්නේ හරියටම ගේම් එක පටන් ගන්න තැනටම අපිව ගෙනත් දාලා.