ඒ මේකයි! මේ කතාව කැරකෙන්නේ ‘Nerve’ කියන ඔන්ලයින් ගේම් එක වටේ.
මේක ඇත්තටම ‘Truth or Dare’ වගේ. හැබැයි “Truth” කියන එකක් නෑ, තියෙන්නේ “Dare” විතරයි.

ගැහැණු ළමයෙක් ඉන්නවා, නම වී (Vee). එයා හරිම නිහඬ, ජීවිතේ එච්චරටම විනෝදයක් නැති කෙනෙක්. එයාගේ යාළුවෙක් ඉන්නවා, සිඩ්නි (Sydney), එයා මේ ගේම් එකේ හොඳටම ජනප්‍රියයි.

දවසක් සිඩ්නිගේ කතා නිසා වී ට හොඳටම තරහා යනවා. එයා තීරණය කරනවා තමන්ගේ අඳුරු තැනින් එළියට එන්න. ඔන්න එතකොට තමයි එයා මේ ‘Nerve’ ගේම් එකේ Player කෙනෙක් වෙන්න තීරණය කරන්නේ.

ගේම් එකේ ඉන්න පුළුවන් ආකාර දෙකයි. එක්කෝ Players (සෙල්ලම් කරන අය), නැත්නම් Watchers (බලන් ඉන්න අය). Watchers ලා තමා Players ලට කරන්න ඕන අභියෝග (Dares) දෙන්නේ. අභියෝගයක් දිනුවොත් සල්ලි ලැබෙනවා.

වීගේ පළවෙනි Dare එකෙන් එයාට අමුතු කොල්ලෙක් හම්බෙනවා, නම ඉයන් (Ian). මෙයාත් Player කෙනෙක්. Watchers ලා මේ දෙන්නාට එකට Dare කරන්න කියලා Force කරනවා.
මුලදී මේවා පොඩි පොඩි අභියෝග වුණාට, ටිකෙන් ටික Dares වල තියෙන අනතුර වැඩි වෙන්න ගන්නවා. සල්ලි ලැබෙන තරමට, ජීවිතේ අවදානම වැඩි වෙනවා.

වී සහ ඉයන් නොහිතන විදියට මේ භයානක ගේම් එක ඇතුළේ හිර වෙනවා. පිටින් බලන් ඉන්න අයගේ බලය තේරෙන්න ගන්නේ එතකොටයි. මේකෙන් එළියට යන්න එකම විදිය තියෙන්නේ දිනන එක විතරයි.

දැන් ප්‍රශ්නේ මේකයි. මේ ගේම් එක පාලනය කරන්නේ කවුද? තමන්ට ජීවිතේ නැති වෙන තරම් දරුණු අභියෝගයක් ආවොත් මේ දෙන්නා මොකද කරන්නේ? Watchers ලාගේ බලය කොච්චරද? එහෙම වුණොත් මේකෙන් බේරෙන්න පුළුවන් වෙයිද?

අන්තිම මොහොත වෙනකොට තේරෙයි මේක ගේම් එකක් නෙවෙයි… අනතුරක් කියලා!