මේ කතාව පටන් ගන්නේ තැලී-පෙළුණු ගැහැනියක්ව පාර අයිනේ වැටිලා ඉන්නකොට, කරුණාවන්ත මහත්මයෙක් ඇයව බේරගෙන, තමන්ගේ ගෙදරට එක්ක ගිහින් ප්‍රතිකාර කරන තැනින්. එතනදි තමයි මේ ගැහැනිය, ‘ජෝ’ කියන නමින් හඳුන්වන ඇය, තමන්ගේ ජීවිත කතාව කියන්න පටන් ගන්නේ.

ඇය කියන විදියට ඇය ‘නිම්ෆෝමේනියක්’ (ලිංගික ආශාවන් පාලනය කරගත නොහැකි තැනැත්තියක්).

කතාව දිග හැරෙන්නේ ෆ්ලෑෂ්බැක් විදියට, ජෝගේ ළමා වියේ ඉඳන් තරුණ කාලය දක්වා. ඇය කොහොමද තමන්ගේ ලිංගිකත්වය හොයාගන්නේ, ඒකට ඇබ්බැහි වෙන්නේ, ඒ වගේම විවිධ පුරුෂයන් එක්ක ඇති කරගන්න සම්බන්ධතා මොන වගේද කියන දේවල් තමයි ඇය මේ බේරාගත් මහත්මයාට කියන්නේ. මේ මහත්මයා හැම දේම අහගෙන ඉන්නේ කිසිම විනිශ්චයකින් තොරව, බොහොම සන්සුන් විදියට.

ජෝගේ තරුණ කාලේ ගෙවෙන්නේ සැහැල්ලු ලිංගික අත්දැකීම්, සෙල්ලම් වගේ තරඟ වගේ දේවල් එක්ක. හැබැයි මේ හැම අත්දැකීමක්ම ඇගේ ජීවිතේට එකතු කරන්නේ ගැටලු. ජෙරෝම් කියන චරිතයත් එක්ක ඇගේ ජීවිතේ වෙනස් වෙන හැටි, ඒ සම්බන්ධය ඇගේ අනිත් ආශාවන් එක්ක ගැටෙන හැටි තමයි Vol. I එකේ ප්‍රධාන වශයෙන් පෙන්නන්නේ.

මේ කතාව අවසානයට එද්දී ඔබට හිතෙයි, “ඇත්තටම මේක හුදෙක් කාමයෙන් පිරි කතාවක්ද, නැත්නම් මේක ඇබ්බැහියක් නිසා තමන්වම විනාශ කරගන්න ගෑනු කෙනෙක්ගේ සංවේදී කතාවක්ද?” කියලා. ඉතිරි ටික දැනගන්න Vol. II බලන්නම වෙනවා!