දැන්, මේකයි වෙන්නේ. SG-1 කණ්ඩායම Goa’uld System Lord කෙනෙක් වන Ba’alව අල්ලාගෙන ඉන්නවා. ඒත් Ba’al කියනවා ඒ අහුවෙලා ඉන්නේ ක්ලෝන් කෙනෙක් කියලා.
ඔය අතරේදී, සැබෑ Ba’al අතීතෙට ගිහින් භයානක වැඩක් කරනවා! ඒ කියන්නේ, Stargate Program එක පටන් ගන්න ඉඩ නොදී, මුළු ඉතිහාසයම වෙනස් කරන්න හදනවා.

අපේ කාටර්, ඩැනියල්, සහ මිචෙල් නැවත පෘථිවියට එනකොට තේරෙනවා එයාලා ඇවිත් ඉන්නේ වෙනත් කාල රේඛාවකට (alternate timeline) කියලා. මෙහේ Stargate එකක් ගැන කවුරුත් අහලවත් නෑ.

දැන් එයාලට වෙනවා වෙනස් වෙච්ච ඉතිහාසයක් මැද, මේ අනතුර ගැන කවුරුවත් විශ්වාස නොකරන තැනක, මුල් කාලරේඛාව යථා තත්ත්වයට පත් කරන්න. ඒත්… මේ Ba’al කියන්නේ ලේසි පහසු කෙනෙක් නෙවෙයි!

Stargate: Continuum එක බලනකොට තේරෙයි මේ වික්‍රමය කොච්චර සංකීර්ණද කියලා. ඒක ඇත්තටම වෙලාවත් එක්ක කරන භයානක සටනක්. බලමු කාටද දිනන්න පුළුවන් කියලා!