මේක Richard Donner අධ්‍යක්ෂණය කරපු පට්ට Action Thriller චිත්‍රපටයක්. අපි කවුරුත් දන්න Bruce Willis එක්ක Mos Def තමයි මේකේ ප්‍රධාන චරිතවලට ඉන්නේ. හැබැයි Bruce Willisව අපි දකින සුපුරුදු වීරයා විදිහට නෙවෙයි මේකේ දකින්න ලැබෙන්නේ.

කතාව මෙහෙමයි. ජැක් මොස්ලි (Bruce Willis) කියන්නේ දැන් හොඳටම වයසට ගියපු, ජීවිතේ ගැන ලොකු කලකිරීමකින් ඉන්න පොලිස් නිලධාරියෙක්. මිනිහා හැම වෙලේම ඉන්නේ බීගෙන, බොහොම අමාරුවෙන් තමයි රස්සාව කරගෙන යන්නේ. දවසක් ඩියුටි ඉවර වෙලා ගෙදර යන්න හදනකොටම එයාට පොඩි රාජකාරියක් පැවරෙනවා. ඒ තමයි එඩී බංකර් (Mos Def) කියන සාක්ෂිකාරයාව හිරේ ඉඳන් උසාවියට එක්කගෙන යන එක. මේ ස්ථාන දෙක අතර දුර බ්ලොක් 16 යි. ඒ කියන්නේ විනාඩි 15 ක විතර පොඩි ගමනක්.

හැබැයි මේ ගමන පටන් ගත්තම තමයි දේවල් උඩු යටිකුරු වෙන්නේ. මගදී කණ්ඩායමක් ඇවිත් එඩීව මරන්න උත්සාහ කරනවා. එතකොට තමයි ජැක් දැනගන්නේ මේ එඩී සාක්ෂි දෙන්න යන්නේ දූෂිත පොලිස් නිලධාරීන් වගයකට විරුද්ධව කියලා. ඊටත් වඩා භයානක දේ තමයි, ඒ දූෂිත නිලධාරීන් ජැක්ගේම පරණ යාළුවෝ වීම.

දැන් ජැක්ට ලොකු තීරණයක් ගන්න වෙනවා. නිකන්ම ඇහැ පියාගෙන පාඩුවේ ඉන්නවද, නැත්නම් මුළු පොලිස් බලකායම තමන්ට විරුද්ධ වෙද්දී මේ අසරණ මනුස්සයව බේරගන්නවද? වෙලාව ටික ටික ගත වෙනවා. උසාවියට යන්න තියෙන්නේ පොඩි දුරක් වුණාට, ඒක ජැක්ගේ ජීවිතේටම යන්න තියෙන අමාරුම ගමන වෙනවා. මේ බ්ලොක් 16 පහු කරන්න ජැක් මොන වගේ ගේමක් ගහයිද කියලා දැනගන්න ෆිල්ම් එක බලන්නම වෙනවා.