ලොස් ඇන්ජලීස් වල කුලී රථ රියදුරෙක් වන මැක්ස් (Max) ට සුපුරුදු පරිදි රෑ වැඩ මුරයක් තිබුණා. ඔය අතරේ සුපිරි ගනුදෙනුකරුවෙක් වගේ පෙනෙන වින්සන්ට් (Vincent) කියන මගියෙක් ඔහුගේ ටැක්සියට ගොඩ වෙනවා. වින්සන්ට් කියන්නේ එක රැයකින් නගරයේ තැන් කීපයකට යන්න අවශ්‍ය වුණු පුද්ගලයෙක්.

විශාල මුදලකට එකඟ වුණ මැක්ස්, ගමන පටන් ගත්තා විතරයි… කතාව මුළුමනින්ම උඩු යටිකුරු වෙනවා. ටික වෙලාවකින් මැක්ස්ට තේරෙනවා වින්සන්ට් කියන්නේ තමන් හිතුවා වගේ සාමාන්‍ය ව්‍යාපාරිකයෙක් නෙවෙයි කියලා. ඔහු ඇත්තටම ඉතා දරුණු, කුලී ඝාතකයෙක්!
දැන් මැක්ස් අසරණයි. තමන්ගේ කුලී රථයම වින්සන්ට්ගේ මාරක ගමනට උපකරණයක් වෙලා. මේ අනපේක්ෂිත විනාශකාරී රාත්‍රියේදී, මැක්ස් එක්කම නගරය පුරා යන වින්සන්ට්, ඔහුගේ සැලසුම් එකින් එක ක්‍රියාත්මක කරනවා. මැක්ස්ට සිද්ධ වෙනවා වින්සන්ට්ට උදව් කරන්න. එයාට වින්සන්ට්ගේ උගුලෙන් ගැලවෙන්න පුළුවන් වෙයිද? නැතිනම් මේ කලබලකාරී රාත්‍රිය මැක්ස්ගේ ජීවිතයේ අවසානය වෙයිද? LA නගරයේ අඳුරු පැත්ත මේ දෙන්නා කොහොමද වෙනස් කරන්නේ කියල බලන්න ඔයාට චිත්‍රපටය බලන්න වෙනවා.