“Harsh Times” කියන්නේ ඇත්තටම ජීවිතේ අමාරුම පැත්ත පෙන්නන ෆිල්ම් එකක්.
මේකේ ප්‍රධාන චරිතේ තමයි ජිම් ඩේවිස්. එයා හිටපු ආමි රේන්ජර් කෙනෙක්. යුද්දෙන් පස්සේ එයාට PTSD වගේ මානසික ප්‍රශ්න තියෙනවා. එයාට ඕනේ පොලිස් රස්සාවක් අරගෙන මෙක්සිකෝවේ ඉන්න එයාගේ ගර්ල්ෆ්‍රෙන්ඩ්, මාටා, එක්ක අලුත් ජීවිතයක් පටන් ගන්න.

හැබැයි LAPD රස්සාව හම්බ වෙන්නේ නෑ. එතකොට එයා යාලුවා වෙන මයික් එක්ක සෙට් වෙනවා. මයික්ටත් රස්සාවක් නෑ.

දැන් මේ යාලුවෝ දෙන්නා ලොස් ඇන්ජලීස් වීදිවල රස්තියාදු ගහනවා, බීලා, මත් වෙලා, පොඩි පොඩි නීති විරෝධී වැඩවලට පැටලෙනවා. ජිම්ගේ ඇතුළේ තියෙන කෝපයයි, අවුලයි නිසා එයාලගේ වැඩ ටික ටික භයානක වෙනවා.

ජිම්ට අන්තිමට ෆෙඩරල් ආයතනයකින් රස්සාවක් සෙට් වෙනවා. ඒත් ඒක කොලොම්බියාවේ ඩ්‍රග්ස් වලට සම්බන්ධ වැඩක්. එයා ඒක බාරගන්නවා, හැබැයි එයාගේ චරිතේ අඳුරු පැත්ත එන්න එන්නම වැඩි වෙනවා.

දෙන්නාගේ යාළුකමයි, ජිම්ගේ ඉරණමයි තියෙන්නේ මේ අන්තිම තීරණත් එක්ක. මොකද වෙන්නේ කියලා බලන්නම ඕනේ. මේක ඇත්තටම හරිම ආවේගශීලී, කම්පනයක් දෙන කතාවක්!