දෙවැනි ලෝක යුද්ධය කාලේ නාසිවරු අතින් හැංගිලා ඉන්නවා තරුණ යුදෙව් ගායිකාවක්. ඇය තමයි රේචල් ස්ටයින්. හදිසියේම සිද්ධ වෙන ඛේදවාචකයක් නිසා ඇගේ පවුලම අහිමි වෙනවා. මේකට වගකිව යුත්තෝ කවුද කියලා හොයන්න ඇයට ලොකු උවමනාවක් ඇති වෙනවා.

දැන් රේචල්ට සිද්ධ වෙනවා ඕලන්දයේ ප්‍රතිරෝධක කණ්ඩායම (Dutch Resistance) සමඟ එකතු වෙලා ඔත්තුකාරියක් විදියට වැඩ කරන්න. ඇය යනවා ජර්මානු හමුදාවල මූලස්ථානය ඇතුළටම. එතැනදී ඇය ප්‍රාදේශීය නායකයෙක්ගේ හිත දිනා ගන්නවා. ඒත් මේ දූත මෙහෙය අතරතුරේදී ඇය සොයා ගන්නා ඇත්ත කතාව හිතා ගන්නවත් බැරි තරම් සංකීර්ණයි.

ද්‍රෝහියා කවුද? ඒ ගැන රේචල්ට ලොකු සැකයක් ඇති වෙනවා. ඇගේ පවුල පාවා දුන්නේ කවුද? ප්‍රතිරෝධක කණ්ඩායම ඇතුළෙත් ද්‍රෝහියෙක් ඉන්නවාද? මේ හැමදේම රහස්ගතව සටහන් කරලා තියෙන “බ්ලැක් බුක්” එක තමයි මේ හැම රහසකම යතුර.

යුද්ධය ඉවර වුණාට පස්සේ සටන ඉවර වෙන්නේ නැහැ. රේචල්ට මුහුණ දෙන්න වෙන්නේ කෙනෙක්ට විශ්වාස කරන්න බැරි තරම් දරුණු පාවාදීම් වලටයි. ඇත්තටම මේ ඔත්තු බැලීම් සහ ආදර කතාව අතරේ ඇත්තටම දිනන්නේ කවුද? ඔයාට දැනගන්න ඕන නම්, මේ චිත්‍රපටය අනිවාර්යයෙන්ම බලන්න!