Patch of Heaven Farm) එකේ ඉන්න ගොවිපළ සත්තු ටික.
විශේෂයෙන්ම, තරමක් දාමරික මැගී (Maggie), විනීත මිසිස් කැල්අවේ (Mrs. Calloway) සහ බොළඳ ග්‍රේස් (Grace) කියන එළදෙනුන් තිදෙනා තමයි කතාවේ වීරවරියෝ.
මෙයාලගේ ලස්සන, කුඩා ගොවිපළට ලොකු අවාසනාවක් උදාවෙනවා!

එක දවසක්, ශෙරිෆ් (Sheriff) ඇවිත් කියනවා, දවස් තුනක් ඇතුළත බැංකුවට ගෙවන්න ඕන ණයක් ගෙව්වේ නැත්නම්… ගොවිපළ වෙන්දේසි කරනවා කියලා.

ඉතින්, මේ එළදෙනුන් තිදෙනාට ලොකු ප්‍රශ්නයක්! කොහොමද මේ සල්ලි හොයාගන්නේ?
මෙයාලට ආරංචි වෙනවා, ප්‍රසිද්ධ සොරෙක් වන ඇලමෙඩා ස්ලිම් (Alameda Slim) අල්ලලා දුන්නොත්, ගොවිපළේ ණය ගෙවන්න ඕන $750ක මුදලම තෑගි විදියට ලැබෙනවා කියලා.
අනේ, මෙයාලා ත්‍යාග දඩයම්කාරියෝ වෙන්න හිතාගෙන, සොරාව හොයාගෙන යන්න පිටත් වෙනවා.

දැන් තියෙන ප්‍රශ්නේ තමයි… එළදෙනුන් තුන් දෙනෙකුට ඇත්තටම අති දක්ෂ සොරෙක්ව අල්ලන්න පුළුවන්ද? ඒ වගේම, මේ ගමන අතරතුර අර මහා ත්‍යාග දඩයම්කාරයෙක් වගේ හැසිරෙන රික්කෝ (Rico) සහ වීරයෙක් වෙන්න දඟලන ඔහුගේ අශ්වයා වන බක් (Buck) මේ වැඩේට මැදිහත් වෙන්නේ කොහොමද?

මෙයාලා ගොවිපළ බේරගනීද, නැත්නම්… ඇලමෙඩා ස්ලිම් කියන භයානක සතුරාගේ උගුලේම අසු වෙයිද? ගිහින්ම බලමු!