Jeff Talley කියන්නේ කලින් LA SWAT නිලධාරියෙක්, ඒ වගේම ප්‍රාණ ඇපකරුවන් නිදහස් කිරීමේ දක්ෂයෙක්. හැබැයි, දවසක් එයාගේ මෙහෙයුමක් අසාර්ථක වෙලා, එයාට ලොකු කම්පනයක් ඇති වෙනවා. ඒ නිසාම එයා ඒ කලබලකාරී ජීවිතයෙන් ඈත් වෙලා, පොඩි නගරයක පොලිස් ප්‍රධානියා විදිහට වැඩට යනවා. එයා බලාපොරොත්තු වෙන්නේ සන්සුන් ජීවිතයක්.

හැබැයි, එයාගේ හිතේ තිබ්බ බලාපොරොත්තුව වැඩි දවසක් යන්නේ නෑ. හොරු තිදෙනෙක්, දරුණු ගෙයක් බිඳීමක් කරලා, ධනවත් ගණකාධිකාරිවරයෙක්ගේ පවුලක්ව ප්‍රාණ ඇපයට ගන්නවා. ඉතින්, නැවතත් ටැලීට සිද්ධ වෙනවා එයාගේ පැරණි රැකියාවට අතගහන්න.
නමුත් කතාව සංකීර්ණ වෙන්නේ මෙතනින්! මේ ප්‍රාණ ඇපයට ගත්තු ගණකාධිකාරිවරයා මැර කණ්ඩායමකට සම්බන්ධ කෙනෙක්. ඒ කණ්ඩායමට ඕන වෙනවා, ඒ ගෙදර තියෙන රහස් තොරතුරු තියෙන DVD එකක්.

ඒ රහස් DVD එක ගන්න, ඔවුන් කරන්නේ ටැලීගේම බිරිඳයි, දුවයි ප්‍රාණ ඇපයට ගැනීමයි. දැන් ටැලීට තියෙන්නේ දරුණු තීරණයක් ගන්න. එයාට පුළුවන් වෙයිද එකවර ප්‍රාණ ඇපකරුවන් කණ්ඩායම් දෙකක් බේරගන්න? එයාගේ පවුලද, නැත්නම් අහිංසක පවුලද? ඒ දේ නම් ඔබටම දැනගන්න සිද්ධ වේවි!