හොඳයි, මේ කතාව නම් ටිකක් අමුතු විදිහේ එකක්. ඇත්තටම මේක යන්නේ ‘බෝර්නියෝ’ කියන දූපතේ තියෙන ඝන කැලෑවක් ඇතුළේ.

අපේ කතාවේ ඉන්නවා පිරිසක්, එයාලා එන්නේ ලොකු ෆාමසියුටිකල් කම්පැණියකින්. මේ අයගේ එකම බලාපොරොත්තුව තමයි, එහේ තියෙනවා කියන පුදුම විදිහේ මලක් හොයාගන්න එක. මේක තමයි “Blood Orchid” එහෙමත් නැත්නම් “ලේ ඕකිඩ්” කියලා කියන්නේ.
ඇයි මේක මෙච්චර වටින්නේ?

කියන්නේ මේ මලෙන් හදන බෙහෙත්වලට මිනිස්සුන්ගේ ආයු කාලය වැඩි කරන්න පුළුවන්ලු, ඒ කියන්නේ තරුණව ඉන්න පුළුවන් වෙනවලු! ලෝකේටම මේක හරිම වටින දෙයක්.
ඉතින්, එයාලා කැලෑව ඇතුළට යන්න ලෑස්ති වෙනවා. ඔරුවකින් ගඟ දිගේ යද්දී, එක එක කරදර වලට මූණ දෙන්න වෙනවා. දිය ඇල්ලකින් ඔරුව පෙරළෙනවා… අන්තිමට එයාලට සිද්ධ වෙනවා කැලෑව මැදින් පයින්ම යන්න.

ඒත්… මේ කැලෑව සාමාන්‍ය කැලෑවක් නෙවෙයි. මේ “Blood Orchid” තියෙන තැනක, ඒ මල කාලා අසාමාන්‍ය විදිහට ලොකු වුණු ඇනකොන්ඩා සර්පයෝ ඉන්නවා. ඒ විතරක් නෙවෙයි, මේ කාලේ තමයි සර්පයන්ගේ සංවාස සමය. ඒ කියන්නේ, යෝධ ඇනකොන්ඩලා ගොඩක් එකතු වෙලා ඉන්න කාලයක්!

අර පිරිසට දැන් සිද්ධ වෙලා තියෙන්නේ සර්පයන්ගෙන් බේරිලා, කවුරුවත් නොදන්නා විදිහට හැංගිලා, මේ මල හොයාගෙන එළියට යන්න. හැබැයි එයාලා අතරේම තව කෑදර මිනිස්සු ඉන්නවා. එයාලට ඕනේ සර්පයන්ගෙන් විතරක් නෙවෙයි, තමන්ගේ යාළුවන්ගෙන් පවා බේරෙන්න.

අන්තිමට කාටද මේ ඕකිඩ් එක හම්බවෙන්නේ? කවුද බේරෙන්නේ? මේක තමයි කතාව.