බිලී හෙරේරා කියන්නේ තමන්ගේ කියුබානු-ඇමරිකානු පවුල ගැන හරි ආඩම්බරයෙන් ඉන්න, සාර්ථක ගෘහ නිර්මාණ ශිල්පියෙක්.

ඒත්… එයාගේ විවාහ ජීවිතේ දැන් ලොකු අවුල් ජාලාවක් වෙලා. බිරිඳ ඉන්ග්‍රිඩ් දික්කසාද වෙන්න හදන්නේ. ඒත් එයාලා මේ ගැන දූලා දෙන්නට කියන්න හදද්දී, ලොකු දුව සෝෆියා හදිසියේම ගෙදර එන්නේ තමන් විවාහ වෙන්න යන ආරංචියත් අරගෙන!

මේ ආරංචියත් එක්ක, බිලීයි, ඉන්ග්‍රිඩ් දෙන්නම තීරණය කරනවා මේ දික්කසාදේ රහසක් විදියට තියාගන්න, දුවගේ වෙඩින් එක යනකල්.

දැන් බිලීට තියෙන්නේ ප්‍රශ්න ගොඩක්. දුව තමන් නොදන්නා කෙනෙක්ව ඉක්මනින්ම කසාද බඳින්න හදන එක, ඒ විතරක් නෙවෙයි, විවාහයෙන් පස්සේ මෙක්සිකෝවට යන්න හදන එක එයාට දරාගන්න බැහැ.

ඊටත් වඩා වැඩේ කියන්නේ, බිලී සම්ප්‍රදායිකව ලොකු වෙඩින් එකක් පවත්වන්න හිතන් ඉද්දී, මනමාලයාගේ පවුලත් එක්ක වෙඩින් එකේ සැලසුම් ගැන ලොකු ගැටුමක් ඇතිවෙනවා. එයාලා හරිම පොහොසත්.

ඉතින්, දික්කසාදේ රහසක් විදියට තියාගෙන, බිලී තමන්ගේ ආදරණීය දුව වෙනුවෙන් හීන වගේ වෙඩින් එකක් දෙන්න දඟලන හැටි තමයි මේ කතාවෙන් කියවෙන්නේ.
අන්තිමට මේ රහස එළිවෙයිද? වෙඩින් එක සාර්ථක වෙයිද? බලන්නකෝ එහෙනම් මේ අපූරු පවුලේ කතාව!