ස්මර්ෆ් ගම්මානේ බ්ලූ මූන් ෆෙස්ටිවල් එකට ලෑස්ති වෙන අතරේදී, පැපා ස්මර්ෆ්ට නරක හීනයක් පේනවා. ඒකෙදි එයාලගේ සතුරා වන ගාර්ගමෙල්ට ස්මර්ෆ්ලාව අල්ලගන්න පුළුවන් වෙනවා.

දෙයියනේ කියලා, ටික වෙලාවකින් ක්ලම්සි ස්මර්ෆ් අතින් පොඩි වැරැද්දක් වෙලා, ගාර්ගමෙල්ට ගමට එන්න පාර හැදෙනවා. ඉතින් ස්මර්ෆ්ලට දුවන්න වෙනවා.

කට්ටියක් – පැපා ස්මර්ෆ්, ක්ලම්සි, ස්මර්ෆෙට්, ගට්සි, බ්‍රේනි සහ ග්‍රවුචි – දුවද්දි තහනම් දිය ඇල්ල පැත්තට ඇදිලා යනවා. අන්තිමට එයාලා අද්භූත ද්වාරයක් (වෝටෙක්ස්) හරහා නිව් යෝර්ක් සිටි එකට වැටෙනවා!

දැන් මෙතනින් තමයි වැඩේ පටන් ගන්නේ. අර පිටිපස්සෙන් ආපු ගාර්ගමෙල් සහ ඌගේ පූසා ඇස්‍රායෙල්ත් එයාලා පස්සෙන් නිව් යෝර්ක් වලටම ඇවිත්.

අපේ පුංචි නිල් යාළුවන්ට ආපහු ගෙදර යන්න නම් බ්ලූ මූන් එකක් හැදෙන්න ඕනේ. ඒකට එයාලා වින්ස්ලෝ කියලා මනුස්ස යුවලකගේ උදව් අරගෙන, අමුතු නගරේ ජීවත් වෙන්නත්, ගාර්ගමෙල්ගෙන් බේරෙන්නත් උත්සාහ කරනවා.

අවසානයේදී, ස්මර්ෆ්ලාට පුළුවන් වෙයිද ගාර්ගමෙල්ගෙන් බේරිලා, ආපහු එයාලගේ පුංචි ගම්මානෙට යන්න? ඒක බලලම දැනගන්නකෝ!