‘ඇම්බුෂ්’ (Ambush) කියන්නේ වියට්නාම් යුද්ධය අතරතුර සිද්ධ වෙන ගැම්මක් තියෙන කතාවක්.

විශේෂ මෙහෙයුම් කණ්ඩායමකට බාර වෙන්නේ හරිම වැදගත් රහස්‍ය ලියවිල්ලක් ආරක්ෂිතව ගෙනියන එක. හැබැයි මේ වැඩේ කරන්න යද්දි එයාලා ලොකු සැඟවුණු ප්‍රහාරයකට (Ambush) අහුවෙනවා.

ඔයාලා දන්නවා වියට්කොං (Viet Cong) හදලා තිබ්බ උමං ජාලය ගැන. මේ ප්‍රහාරය සිද්ධ වෙන්නේ ඔය උමං ඇතුළේ.

දැන් මේ සොල්දාදුවන් අතට පත් වෙලා තියෙන්නේ බිම් මට්ටමට යටින් හැදූ උමං පාරවල් වලින් වටවෙච්ච, සතුරන්ගෙන් පිරුණු, හුස්ම ගන්නත් අමාරු තැනකට.

ඒත් එයාලට ඉක්මනටම ඒ ලියවිල්ල සහෝදර හමුදා කණ්ඩායමකට බාර දෙන්න වෙනවා. එහෙම නොවුණොත්, ඔවුන් හැමෝටම හිරවෙන්න වෙන්නේ ජීවිතයත් මරණයත් අතර දරුණු අරගලයකට!

බිම යටින් යන මේ ගමන ඇතුළේ එයාලා කොහොම සටන් කරයිද? තමන්ගේ නිදහස දිනාගන්න එයාලා මේ අඳුරු උමං ජාලයෙන් එළියට ඒවිද? ඒක බලලම දැනගන්න වෙනවා.