වියානා සංගීත පාසලක පියානෝ ගුරුවරියක් ඉන්නවා, නම එරිකා කොහුට්. එයා හරිම තද, විනයගරුක කෙනෙක්. හැබැයි එයාගේ පෞද්ගලික ජීවිතේ නම් හරිම අවුල්. වයස හතළිහට ළං වුණත් තාමත් ඉන්නේ එයාගේ ආඥාදායක අම්මා එක්ක. මේ දෙන්නා අතර තියෙන්නේ නිතරම රණ්ඩු වෙන, අමුතුම බැඳීමක්.

එරිකාගේ ලෝකේ ඇතුළේ කවුරුවත් නොදන්න තනිකමක් සහ සංකීර්ණ ලිංගික ආශාවන් තියෙනවා. ඒවා තමා තමන්ටම රිදවා ගැනීම, සැඩිස්ට්-මැසොකිස්ට් (sadomasochism) වගේ දේවල්. එයා ඒ හැඟීම් පිට කරගන්න හදන්නේ හරිම රහසිගත විදියට.

ඔය අතරේ තමයි එරිකාගේ ශිෂ්‍යයෙක් වෙන වෝල්ටර් ක්ලෙමර් එන්නේ. දක්ෂ, කඩවසම් තරුණයෙක්. වෝල්ටර්, එරිකාට වශී වෙනවා.

දැන් මේ දෙන්නා අතර අමුතු ආදර කතාවක් පටන් ගන්නවා. එරිකාට ඕන වෙන්නේ සම්ප්‍රදායික සම්බන්ධයක් නෙවෙයි. එයා වෝල්ටර්ට ඉදිරිපත් කරන්නේ එයාගේ සැඟවුණු, රිදවීම්වලින් පිරි අවශ්‍යතා සඳහන් කරපු ලියුමක්.

වෝල්ටර් මේකෙන් පුදුමයට පත් වුණත්, එරිකාගේ අමුතු ගති නිසා එයාගේ ආශාව කෝපයක් බවට පත් වෙනවා.

ඊට පස්සේ මොකද වෙන්නේ? එරිකා එයා බලාපොරොත්තු වුණ අන්ත සතුට ලබනවද, එහෙම නැත්නම් ඒක විනාශයකින් කෙළවර වෙයිද? බලන්නම ඕන, හරිම ආන්දෝලනාත්මක චිත්‍රපටයක්.