ඇන්ටි-ටෙරරිසම් ඔෆිසර් කෙනෙක් ඉන්නවා, නම ඩැනිෂ්. එයාගේ ලෝකය උඩු යටිකුරු වෙන්නේ එයාගේ පුංචි දුව වෙඩි තැබීමකින් මැරෙන නිසා. බිරිඳත් එක්කත් ප්‍රශ්න. ඩැනිෂ් තමන්ගේ දුකේ තනිවෙලා ඉන්නකොට, හදිසියේම වීරෝදාර චෙස් මාස්ටර් කෙනෙක්, පණ්ඩිට්, හම්බවෙනවා. එයා රෝද පුටුවකට වෙලා ඉන්න කෙනෙක්.

මේ පණ්ඩිට් කියන්නේ, දුව නැති වීමේ දුක හොඳටම දන්න කෙනෙක්. එයා ඩැනිෂ්ට චෙස් කියලා දෙන ගමන් කියනවා තමන්ගේ දුවගේ මරණය මිනීමැරීමක් වෙන්න ඇති කියලා. සැකය යන්නේ බලවත් දේශපාලකයෙක් දිහාවට.

දැන් ඩැනිෂ්ට අලුත් මිෂන් එකක් ලැබෙනවා: පණ්ඩිට්ගේ පළිගැනීමට උදව් කිරීම.
හැබැයි, මේ කතාවට අමුතු චරිතයක් එකතු වෙනවා: “වසීර්” කියලා අද්භූත ඝාතකයෙක්. මේ වසීර් කියන්නේ සෙවණැල්ලක් වගේ එන කෙනෙක්. එයා මේ දෙන්නට තර්ජනය කරනවා දේශපාලකයා පස්සේ නොයන ලෙස.

චෙස් ක්‍රීඩාවේ “වසීර්” (ඇමති) කියන්නේ ඉතාම බලවත් ඉත්තෙක්. ඉතින් ඇත්තටම කවුද මේ වසීර්? එයා මේ පණ්ඩිට්ගේයි, ඩැනිෂ්ගේයි ජීවිතත් එක්ක මොකක්ද මේ කරන්නේ? කවුද ඇත්තටම චෙස් බෝඩ් එකේ ඉත්තෝ වගේ දඟලන්නේ?