කතාව මෙහෙයවන්නේ ෂෝන් පෝටර් කියන චරිතයයි. මෙයා වැඩ කරන්නේ තරුණ වැරදිකරුවන් රඳවා තබා ගන්නා නිවැරදි කිරීමේ කඳවුරක. ෂෝන් දකිනවා මේ ළමයි එළියට ගියාම වැඩි දෙනෙක් ආයෙත් අපරාධවලටම සම්බන්ධ වෙනවා නැත්නම් මැරෙනවා කියලා.
මේක වෙනස් කරන්න ඕනෙ කියලා හිතපු ෂෝන්, අලුත් අදහසක් අරන් එනවා: ඇමරිකන් පාපන්දු කණ්ඩායමක් හදන්න!

හැබැයි වැඩේ ලේසි නැහැ. කඳවුර ඇතුළේ ඉන්න ළමයි එළියේදී විවිධ වීදි කල්ලිවලට සම්බන්ධ අය. මේ කට්ටියට එකට වැඩ කරන්න වෙනවා. එයාලගේ කල්ලි අතරේ තියෙන වෛරය, තරහා මැද, එකමුතුව ක්‍රීඩා කරන හැටි ඉගෙන ගන්න ෂෝන් උත්සාහ කරනවා.

දැන් ප්‍රශ්නේ තියෙන්නේ, මේ අපරාධකරුවන්ට එරෙහිව ක්‍රීඩා කරන්න කිසිම පාසලක් කැමති වෙයිද?

තමන්ගේ අතීතය වගේම සමාජයේ දැඩි විරෝධයත් මැද, මේ ළමයි පුළුවන් වෙයිද ඇත්තටම “කණ්ඩායමක්” වෙලා, දෙවන අවස්ථාවක් දිනාගන්න? මේ ක්‍රීඩාවෙන් එයාලගේ ජීවිත වෙනස් වෙයිද?

ඒ ටික දැනගන්න නම් ෆිල්ම් එක බලන්න වෙනවා. එතකොට තේරෙයි, කොහොමද එක මනුස්සයෙක්ට ලොකු වෙනසක් කරන්න පුළුවන් කියලා.