මේක වෙන්නේ 1860 ගණන්වල, ඇමරිකාවේ සිවිල් යුද්ධය කාලේ. ප්‍රධාන චරිතය තමයි, විවියන් ලේ කූඩි කියන ප්‍රංශ-කැනේඩියානු තරුණිය. හරිම දඟකාර, කාටවත් යටත් වෙන්නේ නැති කෙල්ලෙක්.

සැන් ෆ්‍රැන්සිස්කෝ වලදී එයාට හෝල්ගර් ඔල්සන් කියන ඩෙන්මාර්ක් වඩු කාර්මිකයා මුණගැහෙනවා. දෙන්නා ආදරෙන් වෙළිලා, එයාගේ නෙවාඩා වල තියෙන දුර බැහැර ගෙදරට යනවා. එතන තමයි එයාලගේ සරල ජීවිතේ පටන් ගන්නේ.

ඒත්… හෝල්ගර් හදිසියේම යුද්ධයට යන්න තීරණය කරනවා. විවියන් තනියම ඉතිරි වෙනවා, ගමේ දූෂිත පාලනයට සහ දාමරික පුතෙකුට යටත් වෙච්ච පරිසරයක.
හෝල්ගර් නැති අතරේ, විවියන්ට දරාගන්න බැරි ඛේදවාචකයකට මුහුණ දෙන්න වෙනවා. ඒක එයාගේ මුළු ජීවිතේම වෙනස් කරනවා.

අවුරුදු ගානකට පස්සේ, හෝල්ගර් ආපහු එනවා. එනකොට දකින දේ එයාට ලොකු කම්පනයක් ගෙන දෙනවා. විවියන් රහසක් හංගගෙන ඉඳලා.

ඊට පස්සේ… එයාලගේ ජීවිතේ ඊට වඩා වෙනස් මාර්ගයක යනවා. මළවුන්ට නම් රිදෙන්නේ නැති වෙන්න පුළුවන්, ඒත් ජීවත්ව ඉන්න අයට යුක්තිය ඉෂ්ට කරන්න සිද්ධ වෙනවා. මේ කතාවේ ඉතුරු ටික දැනගන්න නම්, ඔයාටම ෆිල්ම් එක බලන්න වෙනවා!