එරින් කියන තරුණිය හදිස්සියේ බොස්ටන් නගරෙන් පැනලා යනවා. ඇයි මේ ගෑණු ළමයා මෙහෙම කරන්නේ?

පැහැදිලියි, එයාට ලොකු රහසක් වගේම භයානක අතීතයකුත් තියෙනවා.
කොහොම හරි එයා උතුරු කැරොලිනාවේ පුංචි නගරයක් වන සවුත්පෝර්ට් වලට යනවා. එතනදි එයා “කේටි” කියන නමින් අලුත් ජීවිතයක් පටන් ගන්න හදනවා.

කේටි හෙමින් හෙමින් ඒ පුංචි නගරයේ මුල් අදින්න ගන්නවා. එතනදි එයාට ඇලෙක්ස් කියන කඩේ හිමිකරුවා හමුවෙනවා. ඇලෙක්ස්, එයාගේ දරුවෝ දෙන්නත් එක්ක තනි වෙලා ඉන්නේ.
ඇලෙක්ස් සහ කේටි අතර ආදරයක් ගොඩනැගෙනවා. කේටි හිතනවා දැන් එයාගේ අතීතය සදහටම වළ දාලා කියලා.

ඒත් මේ අතරේ බොස්ටන් වල ඉන්න පොලිස් නිලධාරියෙක් කේටිට පිස්සු වගේ හඹා එනවා. එයා කේටිව හොයන්න පුළුවන් හැම දේම කරනවා.
දැන් කේටිගේ අලුත් ජීවිතයට අනතුරක් වෙන්න පුළුවන්. එයාට ඇලෙක්ස්ටයි, එයාගේ දරුවන්ටයි ඇත්ත කියන්න වෙයිද?

නැත්නම් අතීතය ඇවිත් මේ හැමදේම නැති කරලා දායිද? ඒ විතරක් නෙමෙයි, මේ කතාව අවසානයේ පුදුම හිතෙන විදියේ පෙරළියකුත් තියෙනවා! බලන්නකෝ මොකද වෙන්නේ කියලා.