කතාව පටන් ගන්නේ ලොස් ඇන්ජලීස්වල තියෙන සුපිරි හෝටලයක ගෘහ සේවකයන් විදිහට වැඩ කරන යාලුවෝ තුන් දෙනෙක් ගැන. මේ අලියෝ තුන් දෙනා දවස පුරා කරන්නේ විකාර වැඩ. ඒත් මෙයාලට “ස්කින්ටෙන්ඩෝ” (Skintendo) කියලා වීඩියෝ ගේම් අයිඩියා එකක් තියෙනවා, ඒක ලෝකෙටම විකුණලා පොහොසත් වෙන්නයි හීන දකින්නේ.

ඉතිං මෙයාලට හම්බවෙනවා හොඳම චාන්ස් එක! හෝටලයේ ලොකුම පාටියක් තියෙනවා, ඒකට ටියුනීසියාවේ ධනවත්තු වගේම ප්‍රසිද්ධ මිනිස්සුත් එනවා. අපේ කොල්ලෝ තුන් දෙනා හිතනවා මේ තමයි වෙලාව, මෙයාලගේ ගේම් අයිඩියා එක මේ ධනවත්තුන්ට කියලා සල්ලි හොයාගන්න.

හැබැයි! ඔය අතරේ හෝටලයට රිංගනවා දරුණු ත්‍රස්තවාදී කණ්ඩායමක්. මෙයාලා හැමෝම අල්ලගෙන ප්‍රාණ ඇපයට තියාගන්නවා. වැඩේ කියන්නේ අපේ අසරණ යාලුවෝ තුන් දෙනා ත්‍රස්තවාදීන්ගේ ඇසින් මිදිලා හෝටලේ ඇතුළේ කොහේ හරි හැංගිලා ඉන්නවා.

දැන් තියෙන ප්‍රශ්නය මේකයි… ලොවෙත් නැති විදිහට අමාරුවේ වැටිලා ඉන්න මේ ගොබ්බයෝ තුන් දෙනාට පුළුවන් වෙයිද ඇත්තටම වීරයෝ වෙලා, ඒ ප්‍රාණ ඇපකරුවන්ව බේරගෙන, වැදගත්ම දේ—දැන් මෙයාලා අතටම ආපු එයාලගේ අතේ තියෙන සල්ලි චෙක් එකත් බේරගන්න?

ඩයි හාඩ් (Die Hard) චිත්‍රපටිය වගේ, හැබැයි මීට වඩා… මෝඩ විදිහට විතරක් හිතන චරිත තුනක් ඉන්න, ගොඩක්ම විහිළු පිරුණු පිස්සු වැඩ කෝටියක් තියෙන ඇක්ෂන්-කොමඩියක් තමයි මේක. අවසානයේදී මෙයාලගේ පිස්සු හැසිරීම්වලින් හෝටලයේ මිනිස්සු බේරෙයිද, නැත්නම් තව අවුල් වෙයිද කියලා බලන්න ඕනේ. එහෙනම් බලලාම කියන්නකෝ.