හිතන්නකො ඔයාට නිකම්ම අලුත්ම ෆෝන් එකක් ලැබෙනවා. ඒකෙන් ඔයාට SMS එනවා, “දැන් අර බස් එකට නගින්න එපා” කියලා. ඔයා ඒක අහලා පැත්තකට වෙනවා, තත්පර ගාණකින් ඒ බස් එක හැප්පෙනවා. ඊළඟට SMS එකක් එනවා කැසිනෝ එකක සෙල්ලම් කරන්න ඕන අංක ටික. ඔයා එක රැයකින් මිලියනපතියෙක් වෙනවා.

“Echelon Conspiracy” (2009) කතාවේ ප්‍රධාන චරිතය වන මැක්ස් පීටර්සන්ට වෙන්නෙත් මේ වගේ දෙයක්. එයාට තායිලන්තයේදී අහම්බෙන් ලැබෙන මේ අද්භූත ෆෝන් එක, එයාගේ ජීවිතේ සම්පූර්ණයෙන්ම වෙනස් කරනවා.

මුලදී මේක ලොකු වාසනාවක් වගේ පෙනුනට මැක්ස්ට ටිකෙන් ටික තේරෙනවා මෙතන මොකක්දෝ අවුලක් තියෙනවා කියලා. එයා පස්සෙන් ලස්සන ගෑණු ළමයෙක්, හොටෙල් සෙකියුරිටි එකේ ලොක්කෙක්, විතරක් නෙවෙයි, ඇමරිකාවේ NSA (ජාතික ආරක්ෂක ඒජන්සිය) එකත් පන්නන්න ගන්නවා.

මේ හැමෝම දුවන්නේ මේ ෆෝන් එක පස්සෙ. මේ SMS එන්නේ මනුස්සයෙක්ගෙන් නෙවෙයි නම්? ලෝකේ තියෙන හැම දුරකථන ඇමතුමකටම, හැම CCTV කැමරාවකටම රිංගන්න පුළුවන්, ‘එෂලෝන්’ කියන සුපිරි පරිගණක පද්ධතියකින් නම්?

මැක්ස් දැන් මේ භයානක සෙල්ලමේ පටියෙක් විතරයි. හැමදේම දකින, හැමදේම පාලනය කරන සිස්ටම් එකකින් එයාට බේරෙන්න පුළුවන් වෙයිද?