කතාව පටන් ගන්නේ ජර්මනියේ, හැම්බර්ග් නුවරට අමුතු, අභිරහස් මනුස්සයෙක් (ඊසා කර්පොව්) හොරෙන්ම ඇතුල් වෙන තැනින්. මෙයා චෙච්නියානු-රුසියානු සම්භවයක් තියෙන, හොඳටම වධ හිංසාවට ලක්වුණ කෙනෙක්. මෙයා ආව ගමන් හැමෝම හිතන්නේ මෙයා ත්‍රස්තවාදියෙක් කියලා.

හැබැයි මෙයා හොයාගෙන එන්නේ එයාගේ තාත්තාගේ, බැංකුවක තියෙන කළු සල්ලි වගයක්. එයාට උදව් කරන්න තරුණ නීතිඥවරියක් (ඇනබෙල්) ඉදිරිපත් වෙනවා.

මේ ඔක්කොම දිහා හොරෙන් බලාගෙන ඉන්නවා ගුන්තර් බැක්මන්. මෙයා කියන්නේ ජර්මනියේ රහස් ඔත්තු සේවාවක (ත්‍රස්ත මර්දන ඒකකයක) ලොක්කෙක්. බැක්මන් හිතන්නේ මේ ආපු කොල්ලා ලොකු සෙල්ලමක පොඩි ඉත්තෙක් විතරයි කියලා.

බැක්මන්ගේ ඇත්තම ටාගට් එක තමයි, නගරයේ ඉන්න ලොකු දානපතියෙක්. බැක්මන්ට සැකයි මේ දානපතියා හොරෙන් ත්‍රස්තවාදයට සල්ලි පොම්ප කරනවා කියලා.

දැන් බැක්මන් ප්ලෑන් කරන්නේ, අර අලුතින් ආපු කොල්ලවයි, එයාගේ සල්ලි ටිකයි “ඇමක්” විදිහට පාවිච්චි කරලා, අර ලොකු දානපතියව අල්ලගන්න. ඒක හරිම භයානක සෙල්ලමක්. හැබැයි ප්‍රශ්නේ කියන්නේ, බැක්මන්ගේ උසස් නිලධාරීන් සහ ඇමරිකානු ඔත්තු සේවා මේ සෙල්ලමට කැමති නෑ. එයාලට ඕනේ අර කොල්ලව ඉක්මනට අත්අඩංගුවට ගන්න විතරයි.

බැක්මන් හැමෝගෙම විරෝධය මැද මේ අවදානම් ප්ලෑන් එක ක්‍රියාත්මක කරනවා. එයාට මේක සාර්ථක කරගන්න පුළුවන් වෙයිද? නැත්නම් හැමදේම අන්තිම මොහොතේ කඩාගෙන වැටෙයිද?