“Before Midnight” කියන්නෙ අර කෝච්චියෙදි හම්බවෙලා, පස්සෙ පැරිස්වලදි ආයෙ හම්බවුණු ජෙසීගෙයි සෙලීන්ගෙයි කතාවෙ තුන්වෙනි කොටස.

හැබැයි දැන් කතාව ගොඩක් වෙනස්. එයාලා දැන් අවුරුදු ගාණක් එකට ජීවත් වෙන, නිවුන් දුවල දෙන්නෙකුගෙ දෙමව්පියෝ. සුරංගනා කතාව ඉවර වෙලා, ඇත්ත ජීවිතේ පටන් අරන්.

කතාව වෙන්නෙ ග්‍රීසියෙ ලස්සන නිවාඩුවක අන්තිම දවසෙ. බැලූ බැල්මට හැමදේම නියමයි. යාළුවො එක්ක රෑ කෑම, ලස්සන කතාබහ. ඒත් මේ හැමදේම යටින් පොඩි ගින්දරක් තියෙනවා.
යාළුවෝ එයාලට තෑග්ගක් විදියට හොටෙල් කාමරයක එක රැයක් තනියම ගතකරන්න දෙනවා. හිතන්නෙ රොමෑන්ටික් රෑක අත්දැකීමක් දෙන්න.

ඒත් මේ ‘රොමෑන්ටික්’ රෑ, එයාලගෙ සම්බන්ධයෙ දරුණුම, අවංකම සහ වේදනාකාරීම රණ්ඩුව බවට පත් වෙනවා. අවුරුදු ගාණක් තිස්සෙ හිතේ හිරකරන් හිටපු තරහ, බලාපොරොත්තු කඩවීම්, අතීතයෙ වුණු දේවල්… මේ හැමදේම එළියට එනවා.
“සතුටින් සදහටම ජීවත් වුණා” කියන එකෙන් පස්සෙ ඇත්තටම මොකද වෙන්නෙ? ආදරේට පුළුවන්ද මේ හැම ප්‍රශ්නයක්ම දරාගන්න?

ජෙසීටයි සෙලීන්ටයි මේ කුණාටුවෙන් පස්සෙත් එකට ඉන්න පුළුවන් වෙයිද? නැත්නම් මේක ඇත්තටම එයාලගෙ කතාවේ අවසානයද? චිත්‍රපටිය බලලම තමයි ඒක දැනගන්න වෙන්නෙ.