ඔයා ඔයාගෙ හොඳම යාලුවට උදව්වක් කරන්න වෙන රටකට යනවා. එයා “මිස් බාලා” කියලා රූ රැජින තරඟයකට යන්නෙ. හැමදේම සුපිරියට යද්දි, එකපාරටම හිතපු නැති ලොකු අවුලක් වෙනවා.

ග්ලෝරියා කියන්නෙ ලොස් ඇන්ජලීස් වල ඉන්න සාමාන්‍ය මේකප් ආර්ටිස්ට් කෙනෙක්. එයා එයාගෙ යාලුවා සුසූ එක්ක මෙක්සිකෝවෙ ටිජුවානා වලට එන්නෙ ඔය තරඟෙට උදව් කරන්න. ඒත් එයාලා පාටියකට ගියපු නයිට් ක්ලබ් එකකට දරුණු ගෑන්ග් එකක් පැනලා වෙඩි තියන්න ගන්නවා.

මේ මහා කලබගෑනිය මැද්දෙ සුසූ අතුරුදහන් වෙනවා.
ග්ලෝරියා යාලුවව හොයන්න ගිහින් අහුවෙන්නෙ කෙලින්ම මරාලයකට. ඒ කියන්නෙ, එහේ ඉන්න දරුණුම ඩ්‍රග් කාටල් එකක අතට. එයාලගෙ ලොක්කා, ලිනෝ, ග්ලෝරියාව එයාගෙ වැඩවලට පාවිච්චි කරන්න ගන්නවා.

යාලුවව හොයාගන්නයි, තමන්ගෙ ජීවිතේ බේරගන්නයි නම්, ග්ලෝරියාට සිද්ධ වෙනවා එයාලා කියන දේවල් කරන්න. සල්ලි අදින එක, බෝම්බ තියන තැන්වලට යන එක වගේ හිතාගන්නවත් බැරි භයානක වැඩ.

මේ අතරෙ ඇමරිකන් DEA එකත් (ඒ කියන්නෙ මත්ද්‍රව්‍ය විරෝධී පොලීසිය) ග්ලෝරියාව අල්ලගන්නවා. ඒත් එයාලටත් ඕන ග්ලෝරියාව පාවිච්චි කරලා අර කාටල් එක අල්ලගන්න.
දැන් ග්ලෝරියා හිරවෙලා ඉන්නෙ දෙපැත්තෙන්ම. එක පැත්තකින් කාටල් එක, අනිත් පැත්තෙන් නීතිය. කාටවත් විශ්වාස කරන්න බෑ.

මේ සාමාන්‍ය කෙල්ල, මේ භයානක ලෝකෙ ඇතුළෙ, තමන් නොදන්නම දරුණු කෙනෙක් බවට පත් වෙන්න පටන් ගන්නවා. එයාට මේ මාර ගේමෙන් ගැලවෙන්න පුළුවන් වෙයිද? එයාගෙ යාලුවට ඇත්තටම මොකද වුණේ? ‘මිස් බාලා’ කියන්නෙ බේරෙන්න දෙන මාර සටනක් ගැන කතාවක්.