හිතන්නකෝ… අපේ ඉර මැරෙන්න ලං වෙලා. ඒ කියන්නේ ඉර ලොකු වෙලා, රත් වෙලා, තව ටික දවසකින් පොළොව ගිලගන්නයි හදන්නේ. ඉතින්, ලෝකේ මිනිස්සු එකතු වෙලා පිස්සු ප්ලෑන් එකක් ගහනවා.

ඒ තමයි, මුළු පොළොවම අරගෙන පැනලා දුවන එක!
ඔව්, ඇත්තටම. එයාලා ලෝකේ පුරාම දහස් ගාණක් යෝධ රොකට් එන්ජින් හයි කරනවා. ඊටපස්සේ, මුළු ග්‍රහලෝකයම අපේ සෞරග්‍රහ මණ්ඩලයෙන් එළියට තල්ලු කරගෙන, අලුත් තැනක් හොයාගෙන අවුරුදු 2500ක ගමනක් පටන් ගන්නවා.

මේ කාලේදී පොළොව උඩ ජීවත් වෙන්න බෑ. මාර සීතලයි. ඒ නිසා මිනිස්සු ඔක්කොම ජීවත් වෙන්නේ පොළොව යට හදපු ලොකු නගරවල.

කතාව පටන් ගන්නේ මේ මහා ගමන අතරතුරදී. පොළොව දැන් යෝධ ග්‍රහලෝකයක් වෙන බ්‍රහස්පති (Jupiter) ළඟින් යන්න ඕන. හැබැයි හිතපු නැති විදිහට, බ්‍රහස්පතිගේ මහා ගුරුත්වාකර්ෂණයට (gravity) පොළොව අහුවෙනවා. හරියට චුම්බකයක් වගේ පොළොව තමන් පැත්තට ඇදලා ගන්නවා.

දැන් පොළොව වේගෙන් බ්‍රහස්පති පැත්තට ඇදිලා යනවා. පොළොවේ එන්ජින් එකින් එක නතර වෙනවා. තව පැය කීපයකින් පොළොව ගිහින් බ්‍රහස්පතිගේ වදිනවා.

මේ මහා විනාශය නතර කරන්න පොළොව යට ඉන්න කීපදෙනෙක් උත්සාහ කරනවා. ඒ අතරේ, අභ්‍යවකාශ මධ්‍යස්ථානයක තනියම ඉන්න ගගනගාමියෙකුටත් (එයාලගේ තාත්තා කෙනෙක්) ලෝකය වෙනුවෙන් ලොකු තීරණයක් ගන්න වෙනවා.

මේ කට්ටියට පොළොව බේරගන්න පුළුවන් වෙයිද? බ්‍රහස්පතිගේ ග්‍රහණයෙන් මිදෙන්න එයාලා මොන වගේ පිස්සු ප්ලෑන් එකක් ගහයිද?