කැරී වයිට් කියන්නේ හරිම ලැජ්ජාශීලී, පාසලේදී හැමෝගෙන්ම කොන් වෙන ගැහැණු ළමයෙක්. එයා හැදී වැඩෙන්නේ අන්තවාදී ආගමික අම්මා කෙනෙක්ගේ දැඩි පාලනය යටතේ. මේ නිසාම එයාට සාමාන්‍ය දේවල් ගැනවත් දැනුමක් නැහැ.

පාසලේ අනිත් ළමයි, විශේෂයෙන්ම ජනප්‍රිය කෙල්ලෝ ටික, කැරීට දරුණු විදියට විහිළු කරලා හිරිහැර කරනවා. මේ හැමදේම එයාගේ හිතේ ලොකු වේදනාවක් විදියට තැන්පත් වෙනවා.

ඔය අතරේ තමයි කැරී තමන්ට විශේෂ බලයක් තියෙනවා කියලා තේරුම් ගන්නේ – ඒ තමයි හිතේ බලයෙන් දේවල් එහා මෙහා කරන්න පුළුවන් ‘ටෙලිකයිනසිස්’ බලය. එයා ඒ බලය රහසින් පුහුණු කරනවා.

කොහොම හරි, හොඳ හිතින් ඉන්න යාළුවෙක්ගේ උදව්වෙන්, කැරීට පාසලේ ප්‍රොම් නයිට් එකට යන්න අවස්ථාව ලැබෙනවා. ඒත්… කැරීට හිරිහැර කරපු කට්ටිය බලාගෙන ඉන්නේ තවත් දරුණු විහිළුවක් කරලා එයාට අපහාස කරන්න.

ඒ ප්‍රොම් නයිට් එකේදී සිදුවන සිදුවීම, කැරීගේ ඉවසීමේ සීමාව පන්නනවා. හැමදාම විඳපු වේදනාව, අපහාස, ඒ හැමදේම එකතු වෙලා එයාගේ බලය පිපිරී යන්නට හේතුවක් වෙනවා.
දැන් තියෙන්නේ ප්‍රශ්නයක්. එදා රෑ කැරී තමන්ගේ බලයෙන් මොනවගේ විනාශයක් කරයිද? ඒ හැමදේකින්ම බේරෙන්න කාට හරි පුළුවන් වෙයිද?

අන්තිමට මොකද වෙන්නේ කියලා බලන්නම ඕනේ. මේ කතාවේ අවසානය සුපුරුදු විදියටම නෙවෙයි, පොඩි වෙනසක් තියෙනවා. ඒ වෙනස මොකක්ද කියලා දැනගන්න නම් ෆිල්ම් එක බලන්නම වෙනවා.