Fire (2025) චිත්‍රපටයේ කතාව පටන් ගන්නේම එක්තරා භෞත චිකිත්සකයෙක් හදිසියේම අතුරුදහන් වීමත් එක්ක. මේ මනුස්සයා කොහෙට ගියාද, මොකද වුණේ කියලා කාටවත් කිසිම හෝඩුවාවක් නැහැ.

ඔහුගේ අම්මායි තාත්තායි පොලිසියට පැමිණිලි කරනවා, ඊට පස්සේ පොලිස් පරීක්ෂණයක් පටන් ගන්නවා. මේ සිදුවීම බාර වෙන්නේ දක්ෂ පොලිස් නිලධාරියෙක්ට.
පරීක්ෂණ අතරතුරදී, පොලිසිය මේ අතුරුදහන් වුණු පුද්ගලයාට සම්බන්ධ වෙච්ච හැමෝමගෙන්ම ප්‍රශ්න කරන්න පටන් ගන්නවා. එතනින් තමයි කතාව ඇත්තටම වෙනස් වෙන්නේ.

මේ විමර්ශනයේදී එකින් එක හෙළිවෙන්නේ පුදුම හිතෙන, සමහරවිට කම්පනයට පත් කරන සත්‍යයන්. අතුරුදහන් වුණු චිකිත්සකයාගේ අඳුරු පැත්ත සහ ඔහු අවට සිටි අයගේ රහස් ගැන තොරතුරු එකින් එක එළියට එනවා.

අන්තිමට එන්නේ ලොකු ප්‍රශ්නයක්. මේ මනුස්සයා නැති වුණාද? නැත්නම් ඝාතනය වුණාද?
එතකොට එයාගෙන් අසාධාරණයක් වුණු කාන්තාවන්ගේ කතා මොනවගේ වෙයිද? ඒ හැමෝම එකම රටාවක ගොදුරු වුණාද?

ඒ අතුරුදහන් වීමේ අභිරහස පිටිපස්සේ තියෙන ඇත්ත කතාව දැනගන්න නම් චිත්‍රපටයම බලන්න වෙනවා. මේක නිකම්ම අතුරුදහන් වීමක්ද, නැත්නම් දැල්ලකින් දැවුණු රහසක්ද? බලලාම දැනගමු!