කලින් චිත්‍රපටිය ඉවර වුණ තැනින් තමයි මේ කතාව පටන් ගන්නේ. අපේ දාර්තාන්යන් (D’Artagnan) ගේ ආදරවන්තිය වුණ කොන්ස්ටන්ස්ව (Constance) කවුරුහරි අරන් ගිහින්. දැන් දාර්තාන්යන්ට පිස්සු වගේ, කොහොම හරි එයාව හොයාගන්න ඕන.

අනිත් පැත්තෙන්, ප්‍රංශය පුරාම ආගමික යුද්ධයක් ඇවිලෙන්න ලංවෙලා. රජතුමා බ්‍රිතාන්‍ය තර්ජන මැද තීරණ ගන්න බැරුව ඉන්නේ. මේ අතරේ තමයි අපේ අනිත් මස්කෙටියර්ලා තුන්දෙනා – ඇතෝස් (Athos), පෝර්තොස් (Porthos), සහ ඇරමිස් (Aramis) – යුධ පිටියට යන්නේ.

දාර්තාන්යන්ට දැන් තේරෙනවා කොන්ස්ටන්ස්ව බේරගන්න නම් තමන්ගේ සතුරෙක් වුණත් කමක් නැහැ, අද්භූත චරිතයක් වුණ මිලාඩි (Milady) එක්ක එකතු වෙන්න වෙනවා කියලා. ඔව්, ඒ මිලාඩිම තමයි! ඒත්, මේ ගමනේදී මස්කෙටියර්ලාගේ අතීතය සම්බන්ධ භයානක රහසක් එළියට එනවා. ඒක මේ හැමෝගෙම සම්බන්ධකම් බිඳ දාන්න පුළුවන් දෙයක්.

මිලාඩිගේ කූට සැලසුම් සහ දාර්තාන්යන්ගේ ආදරය වෙනුවෙන් කරන සටන එක්ක රටේම ඉරණම තීරණය වෙන තැනකට කතාව යනවා. අන්තිමට, ඔවුන්ට තමන්ගේ ආදරණීයන්ව පූජා කරලා රට බේරගන්න සිද්ධ වෙයිද? නැත්නම් සියල්ල අවුල් වෙයිද?