මචං, මේ කතාව යන්නේ චී කියන හරිම සෙමින් යන සත්වයෙක් වටා. හැබැයි එයාගේ හිතේ තියෙන්නේ පුදුම වේගයක්! එයාට ලොකුම හීනයක් තියෙනවා—රේස් කාර් ඩ්‍රයිවර් කෙනෙක් වෙන්න.

හැබැයි ඉතින් මේ හීනෙට වඩා ලොකු ප්‍රශ්නයක් මතුවෙනවා. චී ජීවත් වෙන ගමේ ඉඩම් හිමිකරු තමයි ආචී වේන්ග්ලෝරියස් කියන ගෙම්බා. මේ ආචී කියන්නේ එක අතකට ලෝක ප්‍රසිද්ධ රේස් චැම්පියන් කෙනෙක්, අනිත් අතට ගමේ ගෙවල් කඩලා දාලා තමන්ට ඕන විදිහට අලුත් දේවල් හදන්න හදන ව්‍යාපාරිකයෙක්.

දැන් චීගේ ගෙදරටත් තර්ජනයක් එල්ල වෙලා. ගම බේරගන්න නම් චීට කරන්න වෙන්නේ පුදුම අභියෝගයක්! එයා ආචීට අභියෝග කරනවා, ලෝකේ දරුණුම රේස් එකට—ඒ තමයි සිල්ක් රෝඩ් රැලිය (Silk Road Rally) කියන රේස් එක. දවස් හතරක් පුරා දරුණුම පාරවල් වල රේස් කරන්න ඕන.

ඉතින් මේ නවක චීට, ලෝක චැම්පියන් ආචී එක්ක හැප්පෙන්න වෙන්නේ තනියම නෙවෙයි. එයාට හිටපු රේස් චැම්පියන් කෙනෙක් වුණු නෑෂ් කියන එළුවා උදව්වට එනවා. නෑෂ් දැන් නම් ඉන්නේ කාර් රෙපෙයාර් වැඩ කරගෙන.

මේ රේස් එකේදී චීට එයාගේ දක්ෂතා ඔප්පු කරන්න වෙනවා විතරක් නෙවෙයි, ආචීගේ නීති විරෝධී වැඩ, ද්‍රෝහීකම් වගේ ගොඩක් බාධක ජය ගන්නත් වෙනවා. ගම බේරගන්න චීට මේ රේස් එක දිනන්න පුළුවන් වෙයිද? ඒක දැනගන්න නම් කතාව බලන්නම වෙනවා!