මේක තනිකරම නිව් මෙක්සිකෝ කාන්තාරය මැද සිද්ධ වෙන ‘බළලා සහ මීයා’ සෙල්ලමක්.
බොබී (Bobbi) කියන තරුණ කෙල්ලෙක් ඉන්නවා. පොඩ්ඩක් සැරයි, පොඩි පොඩි හොරකම් කරනවා, අතේ සල්ලි මදි පාඩුවට පාරේ දුවනවා. එයා ආයෙමත් යන්නේ එයාට ගහන බෝයිෆ්‍රෙන්ඩ් කෙනෙක් ළඟට. එයාගේ අක්කා කොච්චර කිව්වත් නවතින්නේ නෑ.

ඔහොම යන අතරේ තමයි බොබීට ෂෙරිෆ් බිල්ස්ටයින් (Sheriff Billstein) මුණගැහෙන්නේ. මේ ෂෙරිෆ් කාරයාට තියෙන්නේ නිකම් පොලිස් නිල ඇඳුම විතරයි, හැබැයි මනුස්සයාගේ ඔළුවනම් හොඳ නැති පාටයි. එයා බොබීව නවත්වලා බොරු චෝදනාවක් දාලා ලොකු දඩයක් ඉල්ලනවා. බොබී දන්නවා මේක අසාධාරණයක් කියලා.

මෙතනින් තමයි ඇත්ත සෙල්ලම පටන් ගන්නේ.
ෂෙරිෆ් කාරයා එයාගේ නිල බලය පාවිච්චි කරලා බොබීට හිරිහැර කරන්න පටන් ගන්නවා. එයාට ඕනේ මේ කෙල්ලව බය කරලා, අල්ලගෙන, එයාගේ ‘විනෝදයට’ යොදාගන්න.
කාන්තාරයේ හිස් පාරවල් දිගේ බොබී හැංගි හැංගී දුවනවා, ෂෙරිෆ් කාරයා එයා පස්සෙන් එනවා. මේක ජීවිතේ බේරගැනීමේ මාරාන්තික සටනක්. බොබීට සිද්ධ වෙනවා එයාගේ තියෙන හැම ‘ස්ට්‍රීට් ස්මාර්ට්ස්’ හැකියාවක්ම පාවිච්චි කරන්න, නැත්නම් එයාට ආපහු ගෙදර යන්න හම්බවෙන්නේ නැති වෙයි.


මේ ෂෙරිෆ් කාරයා පොලිස් ලාංඡනයක් අතේ තියාගෙන ඉන්න පිස්සෙක් විතරයි. බොබීට පුළුවන් වෙයිද මේ මර උගුලෙන් බේරිලා, හැරිලා ගහන්න? නැත්නම් එයා තවත් ගොදුරක් වෙයිද?

වැඩි විස්තර කියන්න බෑ, ඒක බලලම දැනගන්න ඕනේ! මේක අන්තිම වෙනකල් කුතුහලය තියාගෙන යන ෆිල්ම් එකක්.