මචං, මේක නිකම්ම නිකම් සයි-ෆයි ඇක්ෂන් ෆිල්ම් එකක් නෙවෙයි! මේකේ කතාව යන්නේ සම්පූර්ණයෙන්ම අනාගත ලෝකෙක. මිනිස්සු ඔක්කොම වගේ ‘ක්ලස්ටර්’ කියන ආරක්‍ෂිත කලාපවලට වෙලා ජීවත් වෙන්නේ.

කතාවේ ප්‍රධාන චරිතේ තමයි කිසාරගි කියන කොල්ලා. ඌට වෙලා තියෙන්නේ එසේ මෙසේ දෙයක් නෙවෙයි. ‘අමරණීය නයිට්වරු’ (The Immortal Knights) කියන වැම්පයර් කල්ලියක් කරපු මනුෂ්‍ය පර්‍යේෂණ නිසා, කිසාරගි කියන්නේ වැම්පයර් සයිබර්ග් කෙනෙක්!
දැන් මේකා ඉන්නේ පැනලා. හැබැයි ලෝකේ එලියට පනින්න ලේසි නෑ.
දැන් කිසාරගි පස්සෙන් එන කණ්ඩායම් දෙකක් ඉන්නවා.

අමරණීය නයිට්වරු – මෙයාලාට ඕනෙ ටෝකියෝවම යටත් කරගන්න. කිසාරගි කියන්නේ එයාලගේ අත්හදාබැලීමක ප්‍රතිඵලයක්. ඉතින් ඌව ආපහු අල්ලගන්න එයාලා දරුණු විදිහට පස්සෙන් එනවා.

යකූසා (Yakuza) කල්ලියක් – මේ මනුස්සයෝ තවත් දරුණුයි. එයාලගේ ලොක්කා මරපු එකට පළිගන්න ඕනේ. ඒකට එයාලා හොයන්නෙත් මේ කිසාරගිව තමයි.

කිසාරගි මේ දෙගොල්ලොන්ගෙන් බේරෙන්න දඟලන අතරේ, අහම්බෙන් වගේ ඌට හම්බවෙනවා එයාගේ පරණ යාළුවෙක්ගේ පොඩි නංගි කෙනෙක්ව. දැන් ඌට වෙනවා ඒ කෙල්ලවත් ආරක්ෂා කරගෙන මේ අපායේ වගේ පැනලා යන්න.

වැම්පයර්ලා, සයිබර්ග්ලා, යකූසාලා… මේ තුන්කල්ලි සටන නවතින්නෙ කොහෙන්ද? කිසාරගි මේ ලේ වැගිරීමෙන් බේරෙයිද? බලමු!