මේක පටන් ගන්නේ හැලොවීන් රෑක. මැඩීයි එයාගේ යාලුවෝ දෙන්නෙක් වන ලිලී සහ සුසෑනුයි එකතුවෙලා ලොකු පාටියක් දානවා. හැබැයි පාටිය දාන්නේ නිකම් තැනක නෙවෙයි. නිව් ඔර්ලියන්ස් වල තියෙන, අතෑරලා දාපු පරණ, හොල්මන් මන්දිරයක. මේ බ්‍රෝසාඩ් මන්දිරය කියන්නේ නරක ඉතිහාසයක් තියෙන තැනක්; මීට අවුරුදු ගාණකට කලින්, ඒකේ අයිතිකාරියයි තවත් හය දෙනෙකුයි අභිරහස් විදිහට මෙතන මැරිලා තියෙනවා.

පාටිය හොඳටම කරගෙන යද්දී එකපාරටම පොලීසියෙන් පනිනවා. සෙනඟ හිස් ලූ ලූ අතේ දුවනවා. හැබැයි මැඩී, ලිලී, සුසෑන්, මැඩීගේ පරණ පෙම්වතා කොලින්, තව ඩෙක්ස්, ජේසන් සහ පාටිය සංවිධානය කරපු ඇන්ජෙලා ඇතුළු හත් දෙනෙක්ට එළියට යන්න බැරිවෙනවා. එයාලා ඉස්සරහම මන්දිරයේ ලොකු යකඩ ගේට්ටු වැහෙනවා, එයාලා ඇතුළේ හිරවෙනවා.

දැන් එළියට යන්න විදිහක් නැති මේ කට්ටිය බංගලාව ඇතුළේ එහාට මෙහාට යනවා. ඔහොම යද්දී එයාලට රහස් බිම් ගෙයක් හම්බවෙනවා. ඒක ඇතුළේ තිබිලා අර පරණ ඇටසැකිලි හය හම්බවෙනවා. ඊටපස්සේ, ඇන්ජෙලා අතින් වෙන පොඩි වැරදීමකින්, ඒ මන්දිරයේ හිරවෙලා හිටපු දරුණු යක්ෂයෝ හත් දෙනෙක් නිදහස් වෙනවා.

මුලින්ම ඇන්ජෙලාට යක්ෂයෙක් ආවේශ වෙනවා. එතනින් පටන් ගන්නවා නියම බය හිතෙන ගේම. මේ යක්ෂයෝ එකා පස්සේ එකා අනිත් අයටත් ආවේශ කරවන්න පටන් ගන්නවා. මේ යක්ෂයන්ට ඉර පායනකල් මන්දිරයේ සීමාවෙන් එළියට යන්නත් බෑ. ඉතින්, මේ හිරවෙච්ච කට්ටියට තියෙන්නේ එකම දෙයයි. කොහොමහරි උදේ වෙනකල් මේ යක්ෂයන්ගෙන් බේරිලා ඉන්න එක. බලමු මේ භයානක රෑ ඉවරවෙද්දී කී දෙනෙක් ඉතුරු වෙයිද කියලා.