‘The Curse of Audrey Earnshaw’ (2020) කියන්නෙ ටිකක් අමුතු, අඳුරු පැත්තට බර ‘Horror’ චිත්‍රපටියක්.

කතාව මෙහෙමයි: හිතන්නකො 1973 වගේ කාලෙක, පිටස්තර ලෝකෙන් සම්පූර්ණයෙන්ම වගේ වෙන්වුණ, හරිම ආගමික ගම්මානයක් තියෙනවා. මේ ගමට අවුරුදු 17ක් තිස්සෙ දරුණු සාපයක් වැදිලා. වගාවන් ඔක්කොම විනාශ වෙලා, සත්තු මැරිලා, මිනිස්සු ජීවත් වෙන්නෙ හරිම අමාරුවෙන්.

හැබැයි, මේ ගමේම කොනක, කැලෑවට වෙන්න ගෙදරක, අම්මා කෙනෙකුයි (අගතා) එයාගෙ දුවයි (ඕඩ්‍රි අර්න්ෂෝ) ජීවත් වෙනවා. පුදුම දේ කියන්නෙ, ගමටම තියෙන මේ සාපෙ මෙයාලට කොහෙත්ම බලපාලා නෑ. එයාලගෙ ගොවිපොළ හරිම සශ්‍රීකයි.

ගමේ මිනිස්සුන්ට හිතෙන්නෙ මේ හැම විනාශයකටම මුල මේ අම්මයි දුවයි කියලා. විශේෂයෙන්ම ඕඩ්‍රි. මොකද, මේ සාපය ගමට පටන් ගත්තෙත් හරියටම ඕඩ්‍රි ඉපදුන දවසෙමයි!

අම්මා කොච්චර හැංගුවත්, දැන් දහහත් හැවිරිදි ඕඩ්‍රි ගම ඇතුළට එන්න පටන් ගන්නවා. එයා ආවට පස්සෙ, එයාලට කරදර කරපු අයට අද්භූත, භයානක දේවල් වෙන්න පටන් ගන්නවා. ගමේ අයගෙ සැකය දැන් බයක් වෙලා, එයාලා මේ අම්මයි දුවයි ‘මායාකාරියො’ කියලා තීරණය කරනවා.

ඇත්තටම ඕඩ්‍රි කියන්නෙ කවුද? මේ සාපෙ ඇත්තක්ද? නැත්නම් මේක මිනිස්සුන්ගෙ මිත්‍යාවක්ද? කතාව ඉස්සරහට යන්නෙ ඔය කුතුහලයත් එක්ක තමයි.

මේක අධ්‍යක්ෂණය කළේ තෝමස් රොබට් ලී (Thomas Robert Lee). ප්‍රධාන චරිත දෙක, ඒ කියන්නෙ අම්මා (අගතා) විදිහට කැතරින් වෝකර් (Catherine Walker) සහ දුව (ඕඩ්‍රි) විදිහට