කතාවේ ඉන්නවා ‘බූන්’ කියලා පොරක්. මෙයා හෙන ප්‍රසිද්ධයි, හැබැයි නළුවෙක් වගේ නෙවෙයි. මෙයා කරන්නේ රියැලිටි ටීවී ෂෝ එකක්. වැඩේ තමයි නීතියෙන් පැනලා ඉන්න අපරාධකාරයෝ (Bounty Hunting) අල්ලන එක. මිනිහා මේක ලයිව් වගේ ෂෝ එකට දෙනවා.

හැබැයි ප්‍රශ්නයක් තියෙනවා. මිනිස්සුන්ට දැන් මේ ෂෝ එක බලලා ඇතිවෙලා. ෂෝ එකේ රේටින්ග්ස් සවුත්තුම වෙලා.

ඉතින්, ෂෝ එක බේරගන්න බූන් ප්ලෑන් කරනවා මාරම ගේමක් ගහන්න. පොඩි පොඩි හොරු අල්ලලා මදි කියලා මිනිහා තීරණය කරනවා මෙක්සිකෝවේ ඉන්න ලොකුම කුඩු රජා කෙනෙක්ගේ පුතාව අල්ලන්න. හිතන්නකෝ ගේම!

බූන් හිතන්නේ මේකත් අනිත් ඒවා වගේ කැමරා දාගෙන ගිහින් අල්ලලා එන්න පුළුවන් සෙල්ලමක් කියලා. එයායි එයාගේ ටීම් එකයි (ඩෙනීයි, කැටුයි) මෙක්සිකෝවට පනිනවා.

ඒත් එහෙදි තමයි තේරෙන්නේ, මේක ටීවී ෂෝ එකක් නෙවෙයි, ඇත්තම ඇත්ත මර උගුලක් කියලා. එතන ඉඳන් වෙන්නේ සේරම කැමරාවලට එහා ගිය, ඇත්තටම ජීවත් වීම සඳහා කරන සටනක්. බූන්ට පුළුවන් වෙයිද ඒ නිරයෙන් බේරිලා එන්න? ෆිල්ම් එක බලලම තමයි ඒක දැනගන්න වෙන්නේ.

මේක අධ්‍යක්ෂණය කරලා තියෙන්නේ Robert Kirbyson. ප්‍රධාන චරිතය ‘බූන්’ කරන්නේ රෙස්ලින් වලත් හිටපු John Hennigan (ඔයාලා දන්න Johnny Mundo). ඊට අමතරව Kevin Sorbo, Osric Chau වගේ අයත් ඉන්නවා.