“Hugo” (2011) කියන්නේ ඇත්තටම හරිම ලස්සන, ටිකක් මැජික් එකක් වගේ දැනෙන චිත්‍රපටයක්.

මේක අධ්‍යක්ෂණය කරන්නේ අපි කවුරුත් දන්න දක්ෂතම අධ්‍යක්ෂකවරයෙක් වන මාර්ටින් ස්කෝසෙසි (Martin Scorsese). ගොඩක් අය පුදුම වුණා, එයා සාමාන්‍යයෙන් හදන ෆිල්ම් පැත්ත දාලා, මේ වගේ පවුලේ හැමෝටම බලන්න පුළුවන් කතාවක් කරපු එක ගැන.

ප්‍රධාන චරිත කරන නළු නිළියන් තමයි ඒසා බටර්ෆීල්ඩ් (Asa Butterfield) (එයා තමයි “හියුගෝ”), බෙන් කින්ස්ලි (Ben Kingsley) (සැර වයසක මනුස්සයා) සහ ක්ලෝයි ග්‍රේස් මොරෙට්ස් (Chloë Grace Moretz).
කතාව මෙන්න මෙහෙමයි…

මේ කතාව වෙන්නේ 1930 ගණන්වල පැරිසියේ තියෙන ලොකු, සෙනඟ පිරුණු කෝච්චි ස්ටේෂන් එකක. “හියුගෝ” කියන්නේ අම්මා තාත්තා නැතිවෙලා, තනිවුණු පොඩි කොල්ලෙක්. එයා කාටත් හොරෙන් ජීවත් වෙන්නේ මේ ස්ටේෂන් එකේ ලොකු බිත්ති ඇතුළේ තියෙන කාමරවල. එයා තමයි ස්ටේෂන් එකේ තියෙන විසාල ඔරලෝසු ඔක්කොම නඩත්තු කරන්නේ.

හියුගෝ ළඟ එයාගේ නැතිවුණු තාත්තගෙන් හම්බවුණු එකම දෙයක් තියෙනවා. ඒ තමයි, කැඩිලා ගිය, යතුරකින් වැඩ කරන යාන්ත්‍රික මනුස්සයෙක් (automaton). හියුගෝ හිතාගෙන ඉන්නේ මේ යන්ත්‍රය හැදුවම, ඒක ඇතුළේ එයාගේ තාත්තා එයාට කියන්න හදපු රහස් පණිවිඩයක් තියෙනවා කියලා.

හැබැයි මේ යන්ත්‍රය වැඩ කරන්න නම්, එයාට විශේෂ, හදවතක හැඩේ යතුරක් හොයාගන්න ඕනේ. එයා මේකට ඕන කරන බඩු හොරෙන් ගන්නේ ස්ටේෂන් එකේ තියෙන පොඩි සෙල්ලම් බඩු කඩයකින්.

දවසක් හියුගෝ මේ කඩේ අයිතිකාර, ටිකක් සැර පරුෂ වයසක මනුස්සයෙක්ට (ජෝර්ජස්) අහුවෙනවා. එතනින් පස්සේ හියුගෝ, අර වයසක මනුස්සයගේ දරුකමට හදාගත්ත දුව (ඉසබෙල්) එක්ක එකතු වෙලා, අර යන්ත්‍රයේ රහස හොයන්න පටන් ගන්නවා.

එයාලා ඒ රහස හොයාගෙන යද්දී, අර වයසක මනුස්සයා කවුද කියන එකයි, සිනමාවේ අමතක වෙලා ගිය පුදුම ඉතිහාසයකුයි එයාලට හොයාගන්න හම්බවෙනවා.