“The Countess” (2009) කියන්නේ ඇත්තටම වෙච්ච සිදුවීමක් පාදක කරගත්ත, ටිකක් අඳුරු පැත්තට බර කතාවක්.

මේකේ අධ්‍යක්ෂණය සහ ප්‍රධාන චරිතය, ඒ කියන්නේ කවුන්ටස් එලිසබෙත් බාතොරිගේ (Countess Erzsébet Báthory) චරිතය රඟපාන්නේ ජුලී ඩෙල්පි (Julie Delpy). ඊට අමතරව ඩැනියෙල් බ්රූල් (Daniel Brühl) සහ විලියම් හර්ට් (William Hurt) වගේ නළුවොත් මෙහි රංගනයෙන් දායක වෙනවා.

කතාව ගැන කිව්වොත්, මේක ගෙතෙන්නේ 17 වෙනි සියවසේ හංගේරියාවේ හිටපු, අතිශය ධනවත් සහ බලවත් ආදිපාදවරියක් වටා. එයාගේ සැමියාගේ මරණයෙන් පස්සේ, එයාට තමන්ට වඩා වයසින් ගොඩක් බාල, කඩවසම් තරුණයෙක්ව මුණගැහිලා එයාට ආදරය කරන්න පටන් ගන්නවා.

හැබැයි, මේ තරුණයාගේ පවුලෙන් එන බලපෑම් නිසා මේ සම්බන්ධය නැතිවෙලා යනවා. තරුණයා එයාව දාලා යන්නේ තමන් වයසට යන නිසා, තමන්ගේ තරුණ බව නැතිවෙන නිසා කියලා මේ ආදිපාදවරිය තදින්ම විශ්වාස කරනවා.

මේ සිදුවීමෙන් පස්සේ එයා තරුණ බව රැකගැනීම ගැන ලොකු උමතුවකින් පෙළෙන්න පටන් ගන්නවා. දවසක් අහම්බෙන් සේවිකාවකගේ ලේ බිඳුවක් මූණේ ගෑවුණාම, එයාට අමුතු දෙයක් තේරෙනවා. තරුණ කන්‍යාවන්ගේ ලෙයින් නෑවොත් තමන්ට සදාකාලික තරුණ බවක් ලබන්න පුළුවන් කියලා එයා විශ්වාස කරනවා.

තමන්ගේ තරුණ බව රැකගන්න මේ ආදිපාදවරිය පටන්ගන්න ඒ බිහිසුණු, අමානුෂික දේවල් මොනවාද? එයාට ඒකෙන් ගැලවීමක් ලැබෙයිද?