මේක අධ්‍යක්ෂණය කළේ Kathryn Bigelow විසින්. Sean Penn, Elizabeth Hurley සහ Sarah Polley වගේ ප්‍රසිද්ධ නළු නිළියන් පිරිසක් තමයි මේකේ රඟපාන්නේ.

ජීන් කියන්නේ ඡායාරූප ශිල්පිනියක්. එයා එයාගේ මහත්තයා තෝමස් එක්ක පොඩි බෝට්ටු සවාරියක් යනවා. මේ ගමනට තෝමස්ගේ මල්ලි සහ එයාගේ අලුත් පෙම්වතිය ඇඩලින්වත් එකතු කරගන්නවා. හැබැයි මේක නිකම්ම විනෝද ගමනක් නෙවෙයි. ජීන් මේ යන්නේ අවුරුදු 100කට විතර කලින් දූපතක සිද්ධ වුණ, විසඳගන්න බැරි වුණ දරුණු මිනීමැරුමක් ගැන විස්තර හොයන්න.

මේ ෆිල්ම් එකේ විශේෂත්වය තමයි කතා දෙකක් සමාන්තරව ගලාගෙන යන එක. එක පැත්තකින් 1873 දී අර දූපතේ කාන්තාවන් දෙන්නෙක්ව පොරවකින් ගහලා මරපු බිහිසුණු සිද්ධිය පෙන්නනවා. අනිත් පැත්තෙන් වර්තමානයේ බෝට්ටුව ඇතුලේ වෙන දේවල් පෙන්නනවා.

බෝට්ටුවේ ගමන අතරතුර ජීන්ට දකින්න ලැබෙනවා තමන්ගේ මහත්තයා අර අනිත් තරුණිය (ඇඩලින්) ගැන ඕනවට වඩා උනන්දු වෙනවා කියලා. මේකත් එක්ක ජීන්ගේ හිතේ ලොකු ඉරිසියාවක් සහ පීඩනයක් ගොඩනැගෙනවා. අර අතීතයේ සිද්ධ වුණ මිනීමැරුම ගැන ජීන් තොරතුරු හාර අවුස්සනකොට, එයාට තේරෙනවා ඒ අතීත සිද්ධියයි, මේ වර්තමානයේ බෝට්ටුව ඇතුලේ වෙන සිද්ධියයි අතරේ පුදුම සමානකමක් තියෙනවා කියලා.

ඇත්තටම අතීතයේ ඒ මිනීමැරුම කළේ කවුද? ඒ අතීතය ජීන්ගේ මේ වර්තමාන ජීවිතේට බලපාන්නේ කොහොමද? කියන එක දැනගන්න නම් ෆිල්ම් එක බලන්නම වෙනවා. කුතුහලය උපරිමයි!