ඔනර් සොසයිටි (Honor Society)
නළු නිළියන් සහ අධ්‍යක්ෂණය: මේ ෆිල්ම් එකේ ප්‍රධාන චරිතයට පණ පොවන්නේ අපි කවුරුත් දන්න Spider-Man ෆිල්ම් එකේ හිටපු Angourie Rice (Honor කියන චරිතය) සහ Stranger Things එකේ හිටපු Gaten Matarazzo (Michael කියන චරිතය). මේක අධ්‍යක්ෂණය කරලා තියෙන්නේ Oran Zegman විසින්.

මේ කතාව යන්නේ Honor කියන හරිම අමුතු කෙල්ලෙක් වටා. එයාට තියෙන්නේ එකම එක අරමුණයි. ඒ තමයි හාවඩ් විශ්වවිද්‍යාලයට (Harvard University) යන එක. හැබැයි මේකට පොඩි බාධාවක් තියෙනවා. එයාගේ උපදේශකයා, Mr. Calvin කියන විදියට එයාගේ ඉස්කෝලේ තව තුන්දෙනෙක් මේ ශිෂ්‍යත්වයට තරඟ කරනවා.

Honor කියන්නේ නිකන්ම ඉගෙන ගන්න ළමයෙක් නෙවෙයි. තමන්ගේ අරමුණ වෙනුවෙන් ඕනම දෙයක් කරන කෙනෙක්. ඉතින් එයා ප්ලෑන් එකක් ගහනවා මේ අනිත් තුන්දෙනාගේ අවධානය වෙන අතකට යොමු කරලා, එයාලව මේ තරඟයෙන් අයින් කරන්න. ඒකට එයා පාවිච්චි කරන්නේ හරිම කපටි උපක්‍රම.

මේ තුන්දෙනාගෙන් ලොකුම තර්ජනය වෙන්නේ මයිකල් කියන අහිංසක වගේ පේන කොල්ලා. Honor හිතනවා මයිකල්ව රවට්ටන්න ලේසියි කියලා. ඒත් එයා හිතන විදියටම වැඩේ වෙයිද? එයාගේ මේ කපටි ප්ලෑන් එක සාර්ථක වෙයිද, නැත්නම් අන්තිමේදී එයාටම වළ කපාගන්න වෙයිද?

මේක නිකන්ම ටීන් ෆිල්ම් එකක් නෙවෙයි, අන්තිම වෙනකම්ම කුතුහලයෙන් බලන්න පුළුවන්, හිතාගන්න බැරි ට්විස්ට් එකක් තියෙන ෆිල්ම් එකක්. අරමුණ දිනාගන්න Honor මොන වගේ දේවල් කරයිද කියලා දැනගන්න නම් ෆිල්ම් එක බලන්නම වෙනවා.