ncantation (2022) – ශාපය
මේක තායිවාන්වල හැදුණු ෆිල්ම් එකක්. Kevin Ko තමයි අධ්‍යක්ෂකවරයා. ප්‍රධාන චරිත විදිහට Tsai Hsuan-yen (ලී රෝ-නන් ලෙස) සහ Huang Sin-ting රඟපානවා. මේක “Found Footage” කියන කැමරා ස්ටයිල් එකට කරපු, ඇත්තටම වුණ සිද්ධියක් වගේ දැනෙන ෆිල්ම් එකක්.

මේ කතාව ගෙතෙන්නේ “ලී රෝ-නන්” කියන අම්මා කෙනෙක් වටා. මීට අවුරුදු 6කට කලින් රෝ-නන් එයාගේ පෙම්වතා සහ යාළුවෙක් එක්ක අද්භූත ආගමික චාරිත්‍රයක් ගැන හොයන්න ගම්මානයකට යනවා. හැබැයි එතන තියෙන තහනම් උමගකට ඇතුල් වෙලා එයාලා ලොකු අත්වැරැද්දක් කරගන්නවා. ඒ සිද්ධිය නිසා දරුණු ශාපයක් එයාලා පස්සෙන් එන්න පටන් ගන්නවා.

දැන් වර්තමානයේදී, රෝ-නන් එයාගේ පොඩි දුවව තමන් ළඟට ගන්න උත්සාහ කරනවා. හැබැයි අර පරණ ශාපය ආයෙත් මතු වෙලා දුවට කරදර කරන්න පටන් ගන්නවා. දුව අමුතු දේවල් දකිනවා, බය වෙනවා. රෝ-නන් උත්සාහ කරන්නේ කැමරාවට වීඩියෝ රෙකෝඩ් කරමින්, මේ ශාපයෙන් කොහොම හරි දුවව බේරගන්න.

මේ ශාපය මොකක්ද? අර උමග ඇතුලේ මොකද වුණේ? රෝ-නන්ට තමන්ගේ දුවව බේරගන්න පුළුවන් වෙයිද? ඒ ටික දැනගන්න නම් ෆිල්ම් එක බලන්නම වෙනවා. රෑට තනියම බලන්න නම් එපා, ඒ තරමටම මේක බය හිතෙනවා!