“චෝරි 2” (Chhorii 2)
අධ්‍යක්ෂණය සහ නළු නිළියන්: මේක අධ්‍යක්ෂණය කරන්නේ විශාල් ෆුරියා (Vishal Furia) විසින්. ප්‍රධාන චරිතයට පණ පොවන්නේ අපි කවුරුත් දන්න නුෂ්රත් බරුචා (Nushrratt Bharuccha) “සාක්ෂි” විදියට. ඒ වගේම මේ පාර සෝහා අලි ඛාන් (Soha Ali Khan) ත් විශේෂ චරිතයකින් එකතු වෙනවා.

ඔයාලට මතක ඇතිනේ පළවෙනි ෆිල්ම් එකේ සාක්ෂි කොහොමද අර භයානක ගමෙන් පැනගත්තේ කියලා. එයා හිතුවේ එයාගේ නපුරු හීනය එතනින් ඉවර වුණා කියලා. හැබැයි ඇත්තම කතාව පටන් ගන්නේ එතනින්.

සාක්ෂි දැන් උත්සාහ කරන්නේ තමන්ගේ පොඩි දුවව බලාගෙන කාටත් හොරෙන්, සාමකාමී ජීවිතයක් ගෙවන්න. එයාට ඕන එයාගේ අතීතයේ වෙච්ච ඒ මූසල සිද්ධිවලින් දුවව ආරක්ෂා කරගන්න. ඒත් ප්‍රශ්නය තියෙන්නේ, ඒ සාපය තාම ඉවර වෙලා නෑ කියන එකයි.

මේ පාර සාක්ෂිට මුහුණ දෙන්න වෙන්නේ එසේ මෙසේ බලවේගයකට නෙවෙයි. එයාට අලුත් තර්ජනයක් එනවා, ඒ තමයි “අම්මා” කියන චරිතය. මේක නිකම්ම හොල්මන් කතාවක් නෙවෙයි, මේක අම්මලා දෙන්නෙක් තමන්ගේ දරුවන් වෙනුවෙන් කරන දරුණු සටනක් කිව්වොත් හරි.

එක පැත්තකින් තමන්ගේ දරුවා බේරගන්න දඟලන සාක්ෂි, අනිත් පැත්තෙන් අද්භූත බලවේග එක්ක බැඳිච්ච අලුත් අභියෝග. පරණ හතුරොයි, අලුත් අබිරහස් කණ්ඩායමකුයි එකතු වුණාම සාක්ෂිට මේකෙන් ගැලවෙන්න පුළුවන් වෙයිද? එයාට ආයෙත් අර පරණ අපායටම යන්න වෙයිද?

මේක නිකම්ම “බය හිතෙන” ෆිල්ම් එකක් විතරක් නෙවෙයි, මේකේ ලොකු ත්‍රාසයක් වගේම හිතාගන්න බැරි සිද්ධි ගොඩක් තියෙනවා.