The Deepest Breath (ද ඩීපස්ට් බ්‍රෙත්)
මේක ඇත්තටම වාර්තා චිත්‍රපටයක් (Documentary) නිසා මේකේ ඉන්නේ නළු නිළියෝ නෙවෙයි, සැබෑ ජීවිතේ චරිත. මේක අධ්‍යක්ෂණය කළේ Laura McGann. කතාවේ ප්‍රධාන චරිත දෙක වෙන්නේ Alessia Zecchini (ඉතාලි ජාතික කිමිදුම්කාරිය) සහ Stephen Keenan (අයර්ලන්ත ජාතික ආරක්ෂක කිමිදුම්කරු).

මේක නිකන්ම ෆිල්ම් එකක් නෙවෙයි, මේක පිස්සු හැදෙන ඇත්ත කතාවක්. ඔයාලා කවදාහරි හිතුවද කිසිම ඔක්සිජන් ටැංකියක් නැතුව, එක හුස්ම පාරෙන් මුහුදේ පතුලටම පීනගෙන යන්න? අන්න ඒකට තමයි ‘Free Diving’ කියන්නේ. මේ කතාව යන්නේ ලෝකේ ඉන්න දක්ෂතම කිමිදුම්කාරියක් වෙන ඇලෙස්සියා සහ එයාගේ ආරක්ෂාවට ඉන්න ස්ටීවන් ගැන.

ඇලෙස්සියාගේ එකම හීනය තමයි ඊජිප්තුවේ තියෙන මාරම භයානක තැනක් වෙන ‘Blue Hole’ එකේ කිමිදිලා ලෝක වාර්තාවක් තියන එක. හැබැයි මේක ලේසි නෑ. වතුර යට අඩි ගානක් ගැඹුරට යද්දී පොඩි තත්පරේක වැරැද්දක් උනත් ඇති ජීවිතේ නැති වෙන්න. අන්න එතනදි තමයි ස්ටීවන්ගේ රස්සාව වැදගත් වෙන්නේ. එයා තමයි ඇලෙස්සියා වතුර යට සිහි නැති වුනොත් බේරගන්න ඉන්නේ.

මේ දෙන්නා මේ භයානක වාර්තාව තියන්න පුහුණු වෙන විදිය, ඒ අතරේ මේ දෙන්නා අතරේ ඇතිවෙන පුදුම බැඳීම තමයි ෆිල්ම් එක පුරාම යන්නේ. වතුර යට තියෙන ලස්සන වගේම ඒක කොච්චර ඩේන්ජරස් ද කියලා මේක බලද්දී තේරෙනවා. අන්තිමට මොකද වෙන්නේ? ඇලෙස්සියාට ඒ වාර්තාව තියන්න පුළුවන් වෙයිද? එහෙම නැත්නම් මුහුද එයාලව බිලි ගනීවිද? ඇත්තටම අන්තිම ටික බලද්දී හුස්ම හිරවෙනවා වගේ දැනෙයි. ක්‍රියාදාම සහ සංවේදී කතා වලට ආස අයට මේක මාරම අත්දැකීමක් වේවි!”