හොරයිසන් ලයින් (Horizon Line)
කාස්ට් එක සහ අධ්‍යක්ෂණය: මේ ෆිල්ම් එක අධ්‍යක්ෂණය කරලා තියෙන්නේ මයිකල් මාසිමේන් (Mikael Marcimain). ප්‍රධාන චරිත විදිහට ගොඩක් අය දන්න ඇලෙක්සැන්ඩර් ඩ්‍රේමොන් (ජැක්සන් ලෙස) සහ ඇලිසන් විලියම්ස් (සාරා ලෙස) රඟපානවා.

කතා සාරාංශය: ඔන්න යාළුවනේ, සාරා සහ ජැක්සන් කියන්නේ කලින් ආදරේ කරලා වෙන් වුණු ජෝඩුවක්. ඉතින් කාලෙකට පස්සේ තමන්ගේ යාළුවෙක්ගේ වෙඩින් එකකට යන්න මේ දෙන්නටම එකම වෙලාවක සෙට් වෙනවා. මේ වෙඩින් එක තියෙන්නේ දූපතක. ඉතින් එහෙට යන්න මේගොල්ලෝ තෝරගන්නේ හරිම පුංචි ප්ලේන් එකක්.

මේ ප්ලේන් එකේ ඉන්නේ පයිලට් සහ මේ දෙන්නා විතරයි. ගමන පටන් අරන් ටික වෙලාවක් යනකම් ඔක්කොම හොඳට තිබුණා. ඒත් එකපාරටම කාටවත් හිතාගන්න බැරි ලොකු අකරතැබ්බයක් වෙනවා. ප්ලේන් එක එලවගෙන ගිය පයිලට්ට එකපාරටම හාට් ඇටෑක් එකක් ඇවිත් එතනම මැරෙනවා!

දැන් හිතාගන්නකෝ තත්ත්වේ? අඩි දහස් ගාණක් උඩ අහසේ, වටේම මහ මුහුද මැද්දේ මේ දෙන්නා තනිවෙනවා. භයානකම දේ කියන්නේ මේ දෙන්නගෙන් එක්කෙනෙක්ටවත් ප්ලේන් එකක් එලවන්න කිසිම දැනුමක් නෑ. ඔටෝ පයිලට් දාගත්තත් ඒකත් වැඩි වෙලාවක් වැඩ කරන්නේ නෑ. මදිවට ප්ලේන් එකේ තෙල් ටිකත් ඉවර වේගෙන එන්නේ.

ඉතින් ලොකු කුණාටුවක් මැද්දෙන්, කැඩුණු ප්ලේන් එකක් පාලනය කරගෙන මේ දෙන්නට පණපිටින් ගොඩබිමකට යන්න පුළුවන් වෙයිද? ඊළඟ තත්පරේ මොකක් වෙයිද කියලා හිතාගන්න බැරි, අන්තිම වෙනකම්ම හුස්ම හිරකරගෙන බලන්න පුළුවන් සුපිරි ත්‍රිලර් ෆිල්ම් එකක් මේක.