නළු නිළියන් සහ අධ්‍යක්ෂකවරයා: මේ ෆිල්ම් එක අධ්‍යක්ෂණය කරන්නේ Brian Duffield. ප්‍රධාන චරිත විදිහට Katherine Langford (මාරා) සහ Charlie Plummer (ඩිලන්) රංගනයෙන් දායක වෙනවා. මෙයාලා දෙන්නාගේ කෙමිස්ට්‍රි එක තමයි ෆිල්ම් එකේ ලොකුම හයිය.

ඔන්න එකපාරටම හිතාගන්න බැරි විදිහේ අමුතුම දෙයක් ඉස්කෝලෙක සිද්ධ වෙනවා. පන්ති කාමරේ පාඩම අහගෙන ඉන්න ළමයෙක් එකපාරටම පුපුරනවා! ඔව්, විහිළුවක් නෙමෙයි, බැලුම් බෝලයක් පුපුරනවා වගේ ලේ විසි වෙන්නම ඒ ළමයා පුපුරලා යනවා. මේක කාටවත් හිතාගන්න බැරි ලෙඩක් වගේ පැතිරෙන්න ගන්නවා.

මේ ඉස්කෝලේ ඉගෙන ගන්න “මාරා” කියන කෙල්ල මේ සිද්ධියත් එක්ක තමන්ගේ ජීවිතේ ගැන ආයෙම හිතන්න පටන් ගන්නවා. හැමෝම බයෙන් ඉද්දී, “ඩිලන්” කියන කොල්ලා මාරා ගැන හිතක් ඇති කරගන්නවා. ඊළඟට පුපුරන්නේ කවුද කියලා කවුරුත්ම දන්නේ නැති වුණාට, මේ දෙන්නා ඒ බය අස්සෙම පුදුම ලස්සන ආදරයක් පටන් ගන්නවා.

හැම තත්පරයක්ම ජීවිතේ අන්තිම තත්පරේ වෙන්න පුළුවන් කියලා දැන දැනම, තරුණ ජීවිතේ විඳින්න මේ දෙන්නා උත්සාහ කරන හැටි හරිම සංවේදීයි. ඒ වගේම ගොඩක් බය හිතෙනවා. ආණ්ඩුවෙනුත් ඇවිත් මේ ළමයින්ව පරීක්ෂා කරන්න ගත්තම දේවල් තවත් අවුල් යනවා.

ඇත්තටම මේ පිපිරීම් නවතියිද? මාරාටයි ඩිලන්ටයි මොකද වෙන්නේ? මේ අමුතුම ආදර කතාව ඉවර වෙන්නේ කොහොමද කියලා දැනගන්න නම් අනිවාර්යයෙන්ම මේ ෆිල්ම් එක බලන්න වෙනවා. විහිළු, ආදරය සහ කඳුළු ඔක්කොම පිරුණු වෙනස්ම ෆිල්ම් එකක්!