මේ ෆිල්ම් එක අධ්‍යක්ෂණය කරන්නේ Farhad Mann විසින්. ප්‍රධාන චරිතය ඒ කියන්නේ ‘ලෝරා’ ගේ චරිතයට ඉන්නේ අපි කවුරුත් දන්න දක්ෂ නිළියක් වන Emily Rose. ඒ වගේම Antonio Cupo සහ Ed Quinn වගේ නළු නිළියනුත් මේකට රංගනයෙන් දායක වෙනවා.

කතාව පටන් ගන්නේ ලෝරා කියන ඉතාම අවංක, දක්ෂ විනිසුරුවරියගෙන්. එයා නීතිය අකුරටම රකින, අපරාධකාරයන්ට දඬුවම් දෙන්න බය නැති කෙනෙක්. ඉතින් මේ ලෝරාගේ දුව, කාර්ලි, ටික කාලෙකට පස්සේ ආයෙමත් ගෙදර එනවා. කාර්ලි හිතාගෙන ඉන්නේ යාළුවෙක් එක්ක පොඩි විනෝද ගමනක් යන්න. හැබැයි එයාට තේරෙන්නේ නෑ එයා මේ පය තියන්න යන්නේ මොන තරම් භයානක උගුලකටද කියලා.

කාර්ලි විශ්වාස කරන කෙනෙක් නිසා එයා ලොකු කරදරයක වැටෙනවා. මේක නිකන්ම පැහැර ගැනීමක් නෙවෙයි, එයා අහුවෙන්නේ ජාත්‍යන්තර මිනිස් ජාවාරම්කරුවන්ගේ දැලකට! හිතාගන්න පුළුවන්නේ, තමන් දන්න අඳුරන කෙනෙක්ම තමන්ව පාවලා දුන්නම දැනෙන හැඟීම?

දැන් තියෙන ලොකුම ප්‍රශ්නය තමයි, නීතිය රකින ලෝරාට තමන්ගේ දුවව බේරගන්න නීතිය පැත්තක තියලා වැඩ කරන්න සිද්ධ වෙන එක. පොලිසියටවත් හොයාගන්න බැරි තැනක හිරවෙලා ඉන්න තමන්ගේ දුවව, රටින් පිට කරන්න කලින් ලෝරාට හොයාගන්න පුළුවන් වෙයිද? දුව වෙනුවෙන් අම්මා කෙනෙක් මොන තරම් දුරක් යයිද? කුතුහලය පිරුණු ත්‍රිලර් එකක් බලන්න ආස නම් මේක නියම ෆිල්ම් එකක්.