Psychological Thriller සහ Crime කාණ්ඩයේ චිත්‍රපට වලට කැමති ඔයාලා අනිවාර්යයෙන්ම බලන්න ඕන ෆිල්ම් එකක් තමයි Derailed කියන්නේ. Mikael Håfström විසින් අධ්‍යක්ෂණය කරපු මේ චිත්‍රපටයේ ප්‍රධාන චරිතවලට සුපිරි නළු නිළියන් වන Clive Owen (චාල්ස් ලෙස), Jennifer Aniston (ලුසින්ඩා ලෙස) සහ Vincent Cassel (ලාරෝෂ් ලෙස) රංගනයෙන් දායක වෙනවා.

චාල්ස් ෂයින් කියන්නේ තමන්ගේ බිරිඳ සහ දුව එක්ක බොහොම සාමාන්‍ය විදියට ජීවත් වුණු මනුස්සයෙක්. එයා හැමදාම කෝච්චියේ තමයි වැඩට යන්නේ. ඔන්න දවසක් චාල්ස්ට කෝච්චියේදී ලුසින්ඩා හැරිස් කියලා ගැහැණු කෙනෙක්ව මුණගැහෙනවා. මේ අහඹු හමුවීම එයාලා දෙන්නා අතර රහසිගත සම්බන්ධයක් දක්වා දුරදිග යනවා.

දවසක් මේ දෙන්නා හෝටලයකට ගිය වෙලාවක, නොහිතපු විදියට එතනට ආයුධ සන්නද්ධ මංකොල්ලකාරයෙක් (ලාරෝෂ්) කඩා වදිනවා. එයා මේ දෙන්නට පහර දීලා, එතනින් නවතින්නේ නැතුව චාල්ස්ව බ්ලැක්මේල් කරන්න පටන් ගන්නවා. තමන්ගේ පවුලට මේ සම්බන්ධය ගැන දැනගන්න ලැබෙයි කියන බය නිසා චාල්ස් පොලිසියට නොගිහින් සල්ලි දීලා ප්‍රශ්නය විසඳගන්න හැදුවත්, ලාරෝෂ් එන්න එන්නම දරුණු වෙනවා.

අන්තිමට චාල්ස් තීරණය කරනවා නීතිය අතට ගන්න. එතනින් එහාට මොකද වෙන්නේ? චාල්ස්ව රවට්ටන ලොකු කුමන්ත්‍රණයක් මේක පිටුපස්සේ තියෙනවද? කතාවේ අන්තිම ටික නම් ඔයාලට හිතාගන්නවත් බැරි වෙයි. කුතුහලය පිරුණු Thriller චිත්‍රපටයක් බලන්න ඕන නම් Derailed මිස් කරගන්න එපා.