මේකෙත් ඉතින් අපේ සුපුරුදු සෙට් එකම තමයි ඉන්නෙ. ඇනා කෙන්ඩ්‍රික්(Anna Kendrick) තමයි පොපී (Poppy) වෙන්නෙ, ජස්ටින් ටිම්බර්ලේක් (Justin Timberlake) තමයි බ්‍රාන්ච් (Branch). එයාලගෙ හඬවල් නැතුව ඉතින් මොන ට්‍රෝල්ස්ද, නේද? මේක ඩිරෙක්ට් කරලා තියෙන්නෙ ෂෝන් චාර්මැට්ස් (Sean Charmatz) සහ ටිම් හීට්ස් (Tim Heitz) දෙන්නා.

මේක පටන් ගන්නෙ ‘ට්‍රෝල්ස්ටෝපියා’ වල එයාලගෙ පළවෙනි ‘ගිෆ්ට් ස්වැප්’ (තෑගි හුවමාරු) එකට ලෑස්ති වෙන වෙලාවෙ. පොපීටයි බ්‍රාන්ච්ටයි එකපාරටම මතක් වෙනවා, “අඩේ! අපි මෙච්චර කල් යාළුවෝ වෙලා හිටියට, කවදාවත් එකිනෙකාට තෑග්ගක් දීගෙන නෑනෙ!” කියලා.
මෙතන ඉඳන් තමයි අවුල පටන් ගන්නෙ.

දෙන්නම හිතාගන්නවා අනිත් කෙනාට “පර්ෆෙක්ට්ම පර්ෆෙක්ට්” ගිෆ්ට් එක දෙන්න ඕන කියලා. බ්‍රාන්ච්ට පිස්සු හැදෙනවා පොපීට හරියන නියමම තෑග්ග මොකක්ද කියලා හිතලා. පොපීත් එහෙමයි.

දෙන්නම මේ “පර්ෆෙක්ට්” තෑග්ග හොයන්න ගිහින් ලොකු… ඇත්තටම ලොකු… කැප කිරීමක් කරනවා. එයාලට වටිනම දේවල් දෙකක් පවා නැති කරගන්නවා වගේ සීන් එකක් යන්නෙ.

ප්‍රශ්නෙ කියන්නෙ, අන්තිමට තෑගි දෙන දවසෙදි, එයාලා දෙන්නටම තේරෙනවා මේ කරගත්ත වැඩේ හින්දා හැමදේම අවුල් වුණා කියලා. එයාලට ඒ ‘පර්ෆෙක්ට්’ තෑග්ග හින්දා එයාලගෙ නිවාඩුවම නැති වෙයිද? නැත්නම් එයාලට තේරෙයිද ඇත්තටම වටින්නෙ තෑගි නෙවෙයි, යාළුකම කියලා?
ඒක බලලම දැනගන්න ඕන. පොඩි කතාවක් වුණාට නියම මැසේජ් එකක් දෙනවා.