Director: Chad Faust
Cast: Bella Thorne, Mickey Rourke, Chad Faust
අභිරහස් සහ ත්‍රාසජනක කතා හොයන අයට මෙන්න නියම ෆිල්ම් එකක්. “Girl” කියන මේ චිත්‍රපටිය පටන් ගන්නේ හරිම අමුතු විදිහට. මේ කතාවේ ප්‍රධාන චරිතය වෙන තරුණ ගැහැණු ළමයා (එයාට නමක් කියන්නේ නෑ, Girl කියලයි හඳුන්වන්නේ) එයාගේ ගමට එන්නේ ලොකු කේන්තියකින්. එයාගේ අරමුණ වෙන්නේ එයාට පොඩි කාලේ ගොඩක් කරදර කරපු, එයාගේ අම්මට වධ දුන්නු එයාගේම තාත්තාව මරලා දාන එක. අතේ පොරවකුත් අරගෙන තමයි මෙයා ගමට එන්නේ.

හැබැයි වැඩේ කියන්නේ, මෙයා තාත්තා ඉන්න ගෙදරට ගිහින් බලද්දී තාත්තා කලින්ම කවුරු හරි මරලා දාලා! දැන් තමයි කතාවේ නියම කුතුහලය පටන් ගන්නේ. තමන් මරන්න ආපු කෙනාව වෙන කවුරු හරි මරලා දාලා නම්, ඒ කවුද? ඇයි එහෙම කළේ? මේ ප්‍රශ්න ටික කෙල්ලට වධ දෙන්න පටන් ගන්නවා. මේ අතරේ ගමේ ඉන්න ෂෙරිෆ් (Sheriff) හරිම සැක කටයුතු විදිහට තමයි හැසිරෙන්නේ. එයා මේ මිනීමැරුම ගැන මොනවා හරි දන්නවා වගේ තමයි පෙන්නන්නේ.

තාත්තාගේ මරණය පිටිපස්සේ තියෙන ලොකු රහසක් එළියට එන්න පටන් ගන්නවා. මේ ගමේ මිනිස්සු හිතන තරම් හොඳ නෑ කියලා කෙල්ලට තේරෙනවා. තාත්තාව මැරුවේ කවුද කියලා හොයන මේ කෙල්ලටත් දැන් ජීවිත තර්ජනයක් එල්ල වෙලා. එයාට මේ ගමෙන් පණ පිටින් යන්න පුළුවන් වෙයිද? තාත්තා ඇත්තටම නරක කෙනෙක්ද නැත්නම් මේක වෙන කෙනෙක්ගේ උගුලක්ද? මේ හැමදේම දැනගන්න නම් හුස්ම අල්ලගෙන මේ ෆිල්ම් එක බලන්න වෙනවා. Mickey Rourke ගේ රංගනයත් එක්ක Bella Thorne ගේ සුපිරිම ඇක්ටින් එකක් මේකේ බලාගන්න පුළුවන්.