ඔයාලා ක්‍රියාදාම (Action) සහ හැඟීම්බර පවුලේ කතා තියෙන චිත්‍රපටවලට කැමති නම්, The Forger කියන්නේ අනිවාර්යයෙන්ම බලන්න ඕන ෆිල්ම් එකක්. මේක නිකම්ම හොරකමක් ගැන කියවෙන කතාවක් නෙවෙයි; තාත්තා කෙනෙක් තමන්ගේ දරුවා වෙනුවෙන් ඕනෑම දෙයක් කරන්න පෙළඹෙන හැටි මේකෙන් ලස්සනට පෙන්නනවා.

ප්‍රධාන නළු නිළියන් සහ අධ්‍යක්ෂකවරයා
මේ චිත්‍රපටයේ ප්‍රධාන චරිතය කරන්නේ අපි කවුරුත් දන්න සුපිරි නළුවෙක්.
අධ්‍යක්ෂක: Philip Martin
ප්‍රධාන නළුවා (Ray Cutter ලෙස): John Travolta
සහය නළුවන්: Christopher Plummer (සීය) සහ Tye Sheridan (පුතා)

Ray Cutter කියන්නේ නිකම්ම නිකන් චිත්‍ර ශිල්පියෙක් නෙවෙයි. එයා ලෝකයේ ඉන්න දක්ෂතම චිත්‍ර ව්‍යාජකරන්නෙක් (Art Forger). ඒ කියන්නේ ඕනෑම චිත්‍රයක් වගේම තව එකක් අඳින්න එයාට පුදුම හැකියාවක් තියෙනවා. හැබැයි මේ වෙද්දී Ray ඉන්නේ හිරේ.

හදිසියේම Ray ට දැනගන්න ලැබෙනවා එයාගේ පුතාට පිළිකාවක් හැදිලා කියලා. පුතා එක්ක ඉන්න තියෙන කාලය හරිම සීමිතයි කියලා තේරුණාම, Ray තීරණය කරනවා කොහොමහරි හිරෙන් එළියට පැනගන්න. ඒකට එයා පාතාල කල්ලියක උදව් ගන්නවා. හැබැයි ප්‍රශ්නේ පටන් ගන්නේ එතනින්.
හිරෙන් නිදහස් කරපු ණය ගෙවන්න නම්, Ray ට කරන්න වෙන්නේ ලේසි පහසු වැඩක් නෙවෙයි. ලෝක ප්‍රසිද්ධ Claude Monet ගේ චිත්‍රයක් වගේම තව චිත්‍රයක් (Forger) ඇඳලා, මියුසියම් එකේ තියෙන ඔරිජිනල් චිත්‍රය හොරකම් කරලා මේක එතනින් තියන්න ඕන. මේක ලේසි වැඩක් නෙවෙයි. පොලිසිය, ආරක්ෂක කැමරා සහ පාතාලේ තර්ජන මැද Ray මේ “Impossible Mission” එක පටන් ගන්නවා.

මේ භයානක ගේම් එකට Ray තමන්ගේ අසනීප වුනු පුතාවයි, වයසක තාත්තාවයිත් එකතු කරගන්නවා. ඔවුන්ට මේ දේ කරන්න පුළුවන් වෙයිද? Ray ට තමන්ගේ පුතා එක්ක නිදහසේ ඉන්න ලැබෙයිද? අවසානය දැනගන්න නම් ෆිල්ම් එක බලන්නම වෙනවා.