මායා ලෝක, අද්භූත සත්තු සහ වීර ක්‍රියාදාමවලට කැමති අයට ගැලපෙන කතාවක් තමයි Dragon Hunter. මේ කතාව ගෙතෙන්නේ කෙන්ඩ්‍රික් කියන තරුණයා වටා. කෙන්ඩ්‍රික් පොඩි කාලෙදිම එයාගේ දෙමාපියන්ව අහිමි වෙනවා. ඒ දරුණු “Orcs” (ඕක්ස්) කියන රාක්ෂයන්ගේ ප්‍රහාරයක් නිසා. එදා කෙන්ඩ්‍රික්ව බේරගන්නේ ඩේරියස් කියන දක්ෂ රණශූරයා. එදා ඉඳන් කෙන්ඩ්‍රික් හැදෙන්නේ ඩේරියස් යටතේ. එයාගේ හිතේ තියෙන්නේ තමන්ගේ දෙමාපියන්ව මරපු ඒ අඳුරු බලවේග එක්ක සටන් කරන්න.

කාලය ගතවෙලා යද්දි, රට පුරා ආයෙමත් අර අඳුරු බලවේග හිස ඔසවන්න ගන්නවා. මිනිස්සු භයෙන් ජීවත් වෙන්නේ. මේ අතරේ අනාවැකියක් තියෙනවා “ඩ්‍රැගන් හන්ටර්” කෙනෙක් ගැන. කතාවේ හැටියට දරුණු මකරෙක්ගේ තර්ජනයකුත් මේ අයට එල්ල වෙනවා. කෙන්ඩ්‍රික් සහ ඩේරියස්ට සිද්ධ වෙනවා තවත් පිරිසක් එකතු කරගෙන ලොකු ගමනක් යන්න. මේ ගමන හරිම දුෂ්කරයි. ඔවුන්ට කැලෑ මැද්දෙන්, අද්භූත ස්ථාන හරහා යන්න වෙනවා වගේම අතරමගදි දරුණු ඕක්ස්ලා එක්ක සටන් කරන්නත් වෙනවා.

මේ කණ්ඩායමේ ඉන්න එක එක චරිතවලට එක එක හැකියාවන් තියෙනවා. සමහරු කඩුවෙන් වැඩ දානවා, සමහරු දුන්නෙන් විදිනවා. හැබැයි ඔවුන්ගේ ලොකුම අභියෝගය වෙන්නේ අන්තිමට මුණගැහෙන මකරා. ඇත්තටම කෙන්ඩ්‍රික්ට පුළුවන් වෙයිද තමන්ගේ පරම්පරාවේ වගකීම ඉෂ්ට කරන්න? අනාවැකියේ කියන වීරයා ඔහුද? මැජික් සහ කඩු සටන් පිරුණු ෆැන්ටසි ලෝකයක අතරමං වෙන්න කැමති නම් මේ චිත්‍රපටය බලන්නම වටිනවා.