ඔන්න යාළුවනේ, මේක නිකන් අපි හැමදාම බලන ජාතියේ ෆිල්ම් එකක් නම් නෙමෙයි. Ryan Reynolds කිව්වම අපිට මතක් වෙන්නේ Deadpool වගේ විහිළුකාර චරිතනේ. ඒත් මේ ෆිල්ම් එකේ එයා රඟපාන ජෙරී කියන චරිතය ඊට වඩා හාත්පසින්ම වෙනස්. ජෙරී කියන්නේ පිටින් බලද්දී හරිම අහිංසක, ලැජ්ජාශීලී කොල්ලෙක්. එයා වැඩ කරන්නේ බාත්ටබ් හදන ෆැක්ටරියක. හැබැයි මෙයාගේ ලොකු රහසක් තියෙනවා. ඒ තමයි මෙයාට සත්තු කතා කරනවා ඇහෙන එක. නිකන්ම නෙමෙයි, මෙයාගේ ගෙදර ඉන්න “බොස්කෝ” කියන බල්ලා හරිම හොඳයි. එයා ජෙරීට කියන්නේ හොඳ දේවල් කරන්න කියලා. හැබැයි “මිස්ටර් විස්කර්ස්” කියන පූසා නම් මහා නසරානියෙක්. ඌ ජෙරීට කියන්නෙම නරක වැඩ කරන්න, මිනී මරන්න කියලා.

ජෙරී එයාගේ ඔෆිස් එකේ ඉන්න ෆියෝනා කියන ලස්සන කෙල්ලට ආදරේ කරන්න පටන් ගන්නවා. මුලදී ඔක්කොම හොඳට යනවා වගේ පෙනුනට, අර පූසාගේ බලපෑමත් එක්ක ජෙරීගේ ලෝකය ටිකෙන් ටික වෙනස් වෙන්න ගන්නවා. ජෙරී එයාගේ බෙහෙත් බොන එක නැවැත්තුවම මේ ලෝකය එයාට පේන්නේ හරිම ලස්සනට. ඒත් ඇත්තටම එයා වටේ සිද්ධ වෙන්නේ හිතාගන්නවත් බැරි අපරාධ. මේ ෆිල්ම් එක බලද්දී වෙලාවකට හිනා යනවා, වෙලාවකට බය හිතෙනවා, තව වෙලාවකට ජෙරී ගැන දුක හිතෙනවා. අර අහිංසක ජෙරී කොහොමද දරුණු මිනීමරුවෙක් වෙන්නේ? එයාට එයාගේ හිත ඇතුලේ තියෙන මේ සටන දිනන්න පුළුවන් වෙයිද? අන්තිමට ජෙරීට මොකද වෙන්නේ කියලා දැනගන්න නම් මේක අනිවාර්යයෙන්ම බලන්න ඕන. විකෘති මනසක් ඇතුලේ වැඩ කරන විදිය ගැන කුතුහලයෙන් ඉන්න අයට මේක මාරම අත්දැකීමක් වෙයි.

Cast & Director:
Director: Marjane Satrapi
Cast: Ryan Reynolds, Gemma Arterton, Anna Kendrick, Jacki Weaver